Arrasate eta Zarautz, Besaide eta Pagoeta, bi Mendi Tour klasiko
- Xehetasunak
- Kategoria: Press Tour
- Azken eguneratzea: Osteguna, 06 May 2021 16:35
- Argitaratua: Osteguna, 06 May 2021 16:35
Arrasaten 9. edizioa beteko du maiatzaren 11ean Mendi Tourrak, Besaide Mendizale Elkartearen eskutik. Zarautzen, berriz, maiatzaren 13an, Pagoeta Mendizale Elkartekoek hartuta, bosgarrenez egingo da Mendi Tourra. Mendi Filmeko pelikula onenak ikusleen gozamenerako batean eta bestean, jada hitzordu klasikoak bihurtu direnetan.
Amaia Antzokian, lau pelikulako programazioa prestatu da Arrasaterako:
- SALTO IS THE KING Iazko Mendifilmeko Hasiera Ekitaldian estreinatu zena, Pavol Barabas zuzendari emankorrarena.
- L'ESCALADE LIBÉRÉE Antoaine Le Menestrel legenda protagonista, Mendifilmeko Epaimahaiaren Saria irabazi zuena iaz.
- THE WURL Mendiko eskiko erronka eta abentura zoragarri bat Salt Lake Cityn.
- ATERPEAN ATERI Mikel Sarasola piraguista protagonista dela, Ruben Crespok zuzendutako film laburra.
Sarrerak www.arrasate.eus bidez edo leihatilan bertan eskuratu daitezke.
Zarauzko Modelon hiru ostegunetan eskainiko dira mendiko pelikulak, eta sarrerak leihatilan bertan salduko dira saio egunetan.
Maiatzak 13
- OUT OF THE BLUE Mendifilmeko Epaimahaiaren Aipamen Berezia jaso zuen filma, Seb Montaz zuzendari ezagunarena
- MENDIAN HIL, HIRIAN HIL Zarautzen bizi den Iñaki Peña zaintza aringarrietan espezializatutako sendagileak zuzendutako lana. Solasaldirako Peña bera, eta pelikulan protagonista diren Felix Zubia eta Susana Llavina ere Modelon izango dira.
Maiatzak 20
- ATERPEAN ATERI Mikel Sarasola piraguista protagonista dela, Ruben Crespok zuzendutako film laburra.
- HARDA THE TOUGH Iazko Mendifilmeko Zuzendari Onenaren saria irabazi zuen Marcin Polarren espeleologia film laburra.
- FREE AS CAN BE Mendifilmen Eskaladako Film Onena
- EVEREST - THE HARD WAY Iaz Mendifilmen Ikusleen Saria irabazi zuen lana, 1988ko Eslovakiarren Everest hegomendebaldeko saiakera historiko eta tragikoari buruzkoa, Pavol Barabasek zuzendutakoa
Maiatzak 27
- HILLARY - OCEAN TO SKY 2020ko Mendifilmeko Sari Nagusia irabazi zuen pelikula, Edmund Hillaryren abentura gogokoena izan zen "Ocean to Sky" espedizioaren kontakizun osoa, Michael Dillon zuzendariaren eskutik.
