BBK Mendi Film Bilbao-Bizkaia 13. edizioko sarrera salmenta eta Mendi Film Online aktibatuta
Gorka Martínez (BBK), Alberto Iñurrategi (alpinista), Lorea Bilbao (BFA), Eduardo Martínez (Mendi Film Presidentea), Iñaki López de Aguileta (Bilkoko Udala), Jabier Baraiazarra (Mendi Film Zuzendaria), Mikel Renteria (WOP) eta Andoni Iturbe (Eusko Jaurlaritza)
Bilbo, 2020ko azaroak 23. Mendiko zinemagintzarik onenaz gozatzeko aukera hemen da berriro BBK Mendi Film Bilbao-Bizkaia zinemaldiaren 13. edizioan, abenduaren 4tik 13ra.
Edizio berezia, pandemiak baldintzatutako urtean eta egoeran. Horri erantzuteko eta indarrean dauden arau eta gomendio guztiak betez, bitarako zinemaldia izango da aurtengoa: Bilbon bertan, aurrez aurreko emanaldiekin, eta Bilbora etorri ezin dutenentzat, online eskaintzarekin.
Azaroan urteko azken Mendi Tour geltokiak
Abenduaren 4tik 13rako BBK Mendi Film Bilbao-Bizkaia jaialdiaren 13. edizioa ate joka dagoela, azaroan sei Mendi Tour emanaldi egingo dira: Errenteria, Amurrio, Basauri, Elgoibar, Arrasate eta Orioko aretoetan ikusi ahal izango dira aurten azkenengoz, pantaila handian eta zine kalitatean, Cholitas, Harria Herria, Manaslu, Climbing Blind, Nebula, Ostatnia Gora eta Allein (Alone) pelikulak, iazko Mendi Filmeko nabarmenetakoak, aurten Mendi Tourrean arrakasta itzela izan dutenak.
Mendiko 54 film aurkeztuko ditu Sail Ofizialean BBK Mendi Film Bilbao-Bizkaia festibalak abenduaren 4tik 13ra, presentzialki eta on-line
Nazioarteko mendiko pelikula onenak Bilbon pantailaratuko dira abenduko lehen hamabostaldian, 4tik 13ra, BBK Mendi Film Bilbao-Bizkaia festibalaren 13. edizioan. 18 herrialde ordezkatzen dituzten 54 film aurkeztuko dira aurtengo lehiaketan, Europa, Iparramerika, Hegoamerika, Asia eta Ozeaniako mendiko zinemagintza Bilbora ekarriz.