Jordi Canyigueral-ek eta Pau Savall-ek emango duten “Mendiko Bideo Produkzio tailerra” BIDEOAK ONLINE
Iragan MFFan lehen mendiko bideo tailerra egin zen. Jordi Canyigueral eta Pau Savallen zuzendaritzapean aritu ziren 12 partehartzaileek, bi gai landu zituzten 4 bideo hauek ekoitziz. Hauetako bi bideo itxiera ekitaldian aurkeztu ziren eta oso harrera ona jaso zuten ikusleen aldetik.
Kurtso eta tailer hauek antolatuz, mendia, abentura eta naturari buruzko ikusentzunezkoen alorrean lan egiten duten profesionalen eta partehartzaileen arteko elkarlana eta motibazioa bultzatu nahi ditugu.
MENDI FILM FESTIVALari buruzko elkarrizketa ETB-en
Datorren ostiralean ETB2ko “Forum” programan elkarrizketatuko dute MFFko zuzendaria. Mendia, zinema etamendiko kultura izango dira ardatz Begoña Zubietak gidatzen duen programan.
Programaren lehenengo emisioa: apirilak 20, goizeko 10:15etan ETB2-n.
Emititu eta gero www.eitb.tv -en ikusgai izango da.
GOI MENDIKO XVI. JARDUNALDIAK
Urtarrilaren 16tik 21era bitartean, MFFak antolaturik eta Estadio Fundazioa-Vital Kutxak babesturik, hitzaldi teknikoak eta ikusentzunezkoak egingo dira dira Gasteizko Estadio Fundazioaren egoitzan eta Dendaraban. Simon eliasek, Silvia Vidalek, David Palmada "Pelut"ek eta Manuel Gonzalez "Lolo"k euren jardueren argibide teknikoak emango dituzte eta euren ikusentzunezkoak erakutsiko dituzte. Informazio gehiago.
2011 Erakusketak
MENDI ZABALAK- Santi Yaniz
Gasteiz, Goiuri Jauregia, abenduaren 13tik urtarrilaren 31ra
Mendizaleak gailurrera iristean beti keinu bera egiten du: panorama begiratu eta miretsi. Mendiarekiko den beste da zinearekiko panorama, begiratzeko modu bat, emozioen eta pasioen mundu horri zabaldutako leiho bat. Mendiarekin argazki panoramak egiteak espazioa eta begirada eraikitzeko modu berri bat erakusten dio argazkilariari.
Mendi Zabalak atal honetan gertueneko mendiei paisaiatutako formatu horren berezitasunaz begiratuko diegu, paisaia bere modurik zabalduenean irudikatuz, ohikoan ikusten ditugun ortzi-mugen pare.
Non: Goiuri Jauregia
Noiz: abenduaren 13tik urtarrilaren 31era
Ordutegia: astelehenetik ostiralera 11:30-13:30 eta 17:00-19:00
Santiago Yaniz Aramendia (Bilbo, 1957). 1980an hasi zen argazkilari profesional lanetan, egile argazkigintzatik abiatutako formazio autodidakta luze baten ostean. 1987an EHU-ko Kazetaritza Lizentziatura atera zuen. Argazkilaritza eta kazetaritza aldi berean egin izan ditu, Euskal Herriko eta penintsula iparraldeko gai desberdinak jorratuz, bereziki mendi gaiak. Free lance argazkilari bezala aldizkarietan eta magazinetan argitaratu ohi ditu bere lanak, eta argitalpen eta bilduma editorial askoren ilustrazioetan parte hartu izan du, bereziki euskal etnografia eta geografiaren inguruko lanetan eta mendiko paisaia eta jardueren inguruko lanetan. Lan horiei eta bere ibiltari bokazio nekaezinari esker Euskal Herrian eta Pirinioetan aldenik alde ibili izan da, bertako txoko guztiak zehatz-mehatz ezagutzen ditu eta bere kamerarekin paisaien eta jendeen izaerak deskubritu ditu.
Palmarés 2011
Film onenari saria / Best film “180º South” - USA Zuzendaria / Director: Chris Malloy
Mendiko film onenari saria / Best Mountain film “Vertical mailing Greenland” - Belgium Zuzendaria / Director: Sean Villanueva O’Driscoll
Mendiko kirolen film onenari saria / Best extreme film “Fly or die” - USA Zuzendaria / Director: Peter Mortimer, Nick Rosen
Mendia-ingurumena-ekologia saria / Mountain Culture best film “Arditan” - Euskadi Zuzendaria / Director: Egoi Markaida
Argazki onenari saria / Best photography “Wildwater” - USA Zuzendaria / Director: Anson Fogel
Epaimahaiaren saria / Jury award “Deklaracja nieśmiertelności” - Poland Zuzendaria / Director: Marcin Koszalka
Euskarazko film onenari saria / Best film in Basque “Aizkora hotsak goi mendietan” - Euskadi Zuzendaria / Director: Eukeni Arriortua
Laburmetraia onenari saria / Best short film “Cold” - USA Zuzendaria / Director: Anson Fogel
Ikus-entzulegoaren saria / Audience award “Solitaire” - USA Zuzendaria / Director: Nick Waggoner
Epaimahaiaren aipamen berezia / Jury special mention “Encordades” - Catalonia Zuzendaria / Director: Gerard Montero
LEO HOULDINGek DEAN POTTER ordezkatuko du MENDI FILM FESTIVALean
Dean Potter-ek ezin izango du MFF-era etorri arrazoi pertsonalak medio. Azken orduko erabaki honen aurrean, eskalatzaile, BASE jauzilari eta slack line espezialista estatu batuarra penatuta agertu da eta barkamena eskatu dio antolakuntzari.
Hargatik, MFF-eko egitarauean aldaketa batzuk egin ditugu:
LEO HOULDING eskalatzaile britainiarra izango da haren luxuzko ordezkoa. ‘The Prophet’ filma aurkeztu zuen asteartean, eta bera izango da MENDIko Amaiera Ekitaldian saio berezi bat eskainiko duena datorren asteartean, hilak 20.
*Aurretik egun horretako sarrerak erosi dutenek, eta aldaketagatik saiora joan nahi ez badute, diru itzulera eska dezakete Europa Jauregiko sarrera salmentan.
