‘Au dela des cimes’ (Frantzia)

BEST FILM

FILM ONENA

MEJOR PELÍCULA

 ‘Asgard Jamming’ (Belgika)

AUDIENCE AWARD

IKUS-ENTZULEGOAREN SARIA

PREMIO DEL PÚBLICO

 ‘Berhault’ (Frantzia)

SPECIAL AWARD OF THE JURY

EPAIMAHAIAREN AIPAMEN BEREZIA

MENCIÓN ESPECIAL DEL JURADO

 ‘The Sharp End’ (USA)

BEST EXTREME MOUNTAIN SPORT FILM

MUTURREKO MENDI-KIROL FILM ONENA

MEJOR PELÍCULA DE DEPORTE EXTREMO

 ‘Le Mystere de la Baleine’ (Frantzia)

MOUNTAIN AND HUMAN AWARD

MENDIA-GIZAKIA SARIA

 ‘Begiz Begi’ (Euskadi)

EUSKARAZKO FILM ONENA

MEJOR PELÍCULA EN EUSKERA

BEST BASQUE LANGUAGE FILM

 ‘Mount Saint Elias’ (Austria)

BEST MOUNTAIN FILM

MENDIKO FILM ONENA

MEJOR PELÍCULA DE MONTAÑA

II. MENDI FILM FESTIVAL amaitu da. Bederatzi egunez 4.000 ikusle bildu dira Gasteizko Europa Jauregira egungo mendiko lan onenekin gozatzeko. Hori izan da saririk onena, zeuok, ikuslegoak, eman diguzuena. Eskerrik asko!

Hirugarrena prestatzen ari gara dagoeneko, aurtengoarekin bateria karga-karga eginda daukagu hartarako. Eutsi goiari!

Egun handia oso. Oso. Kanpoko hotzak barruko beroarekin azkar asko uxatu genituen! Aretoa gainezka, protagonistak, zuzendariak, ekoizleak... present. Gaurko Amaiera Ekitaldiaren aurrekari ezinhobea.

Ostirala: Otxoa Olza, Urubko, Andres de la Torre, Nico Favresse…

Osteguna, kanpoan hotz barruan bero: Jabi Les, Nagore Irazabal eta konpainiaren eskutik estreinatu da ‘Las cavernas de Isla Pascua’, eta produkzio katalanen emariak etenik gabe jarraitzen du. Ostirala, hitzordu beroak: sorpresa oso atsegin bat hasteko, Denis Urubko, bai alpinista kazakhstandar bikaina, Gasteizen da, MENDIn, Iñaki Otxoa de Olzaren omenaldi berri bat izango denean. Harekin batera Iñakiren anaia Pablo eta ‘La voz de Iñaki’ lanaren zuzendaria Pablo Iraburu ere bai. Bere aldetik, Andres de la Torre asturiarrak ‘Aconcagua’ lana eszenategitik bertatik aurkeztuko du, eta baita Nico Favressek ‘Free South Africa’ lana ere; auskalo ze festa muntatzen duen oraingo honetan belgikarrak…

Ah, eta ia dena prest dago larunbateko Amaiera Ekitaldirako. Epaimahaia bildu da eta eman du bere epaia. Hofri bai, saioa 18:30etan hasi bitarte gogoari eutsi beharko diogu aurtengo palmaresaren berri izateko. Sari guztiek izena izan dezaten, halere, koxka bat faltako da: ikusentzuleen saria biharko saioaren amaieran erabakiko baita. Zeuk ere bozkatuko al duzu? Ongi etorri!

Asteazken gaua, Europa Jauregia, MENDI, saioko bigarren proiekzioak barre algaraka dauka jendea, txaloak ere entzun dira tarteka, eta amaitzera doa… zuzeneko musika saio batekin! Nico Favresse mandolinarekin eta San Villanueva armonikarekin, pelikulan erakusten duten bezala aretoko eszenategira igo dira musika joz, eta jendea berehala batu zaie, txalo, ohiu, txistu eta algarekin! A ze festa! ‘Asgard Jamming’ pelikularekin gertatu zen hori. A ze parea! Eta erne, mehatxua gainean baita: Nico-k ostiralean ‘Free South Africa’ lana zuzenean aurkeztuko du.

Saio atsegina orohar, ilusioz betetako hasierarekin Bideografikeko lagunek ‘Slack Line’ ikusiz eta datorren urterako agindu duten Nepalgo Tamur ibaiaren jaitsiera irudiekin horixe piztu baitute, ilusioa. Eta amaiera ere txukuna oso Christian Ravier-en eskutik. Bera eta Sharma izan dira autengo gonbidatu bereziak lehiaketaz kanpo, eta ondo baino hobeto bete dute eginkizuna, jendeak eskertu du.