Behin MENDI Zinemaldiaren aurkezpen prentsaurrekoa eginda, atzera kontaketa hasi dugu hilaren 11era begira. Gure eskerrik zintzoena adierazi nahi diegu han izan ziren MAITE BERROCAL eta AGUSTIN OTXOA ERIBEKOri, ondoz ondo Gasteizko Udalaren eta Arabako Diputazioaren izenean beren babesa agertu zigutelako.

Bitarte honetan badago zer egin, zertaz gozatu: zabaldu da Goiuri Jauregian Jabi Les-en “Lurrazpiko mundu misteriotsua” argazki erakusketa bikaina (urtarrilaren azkenera arte bertan izango da); joan zen astelehenean Langraizko espetxean izan ziren MENDIko Presidentea eta Zuzendaria espetxeratu talde bati zinemaldiaren mostra bat eskainiz –sekulako harrera izan zuten-; ikastetxeetan ere emanaldi bereziak hasi dira;… Sartu gara buru belarri II. MENDI Zinemaldian!

| Más...