‘Streamlined 08’ parapentean oinarritutako akzio pelikula bat da, akrobazia maniobra asko ditu eta baita hainbat jauzi mota ere: zubietatik, globoetatik, teleferikoetatik, gyrocopter-etatik, edo hegazkinetatik. Beste zenbait jarduera ere gehitzen dira parapentea eta paraxutaren arteko desberdintasunak erakusteko.
ACONCAGUA, MÁS QUE UN RECORD40’
Zuzendaria: Andrés de la Torre
Ekoizpena: David de la Torre
Espainia 2007
“Oinez dabilena ez da gorputza; neronengandik urrun nabil; berak bultzatzen nau; barre eta negar egiten du; sentitu egiten dut…”
Tragediak eten zuen laguntasuna. Betetako promesa. Himalayatik Argentinako Andeetara. Jorge Egocheagak Nancy Silvestrini eta Jose Buenagaren omenez eginiko Aconcaguako igoera eta jaitsiera errekorra.
2008ko maiatza. Annapurnako hego aurpegian hil hala bizi dago Iñaki Ochoa de Olza. Haren laguntzan aurrekaririk gabeko erreskate lana antolatu zen, mendizaleak bezala, ordura arte mendiaz ezer gutxi zekiten milaka pertsona batu ziren ekintzara modu batera edo bestera. Haren bizi filosofiarekiko atxikimenduak eragindako erreakzio solidarioa izan zen. Dokumental honek Iñaki Ochoa de Olza Seguin-en bizi testigantza biltzen du iturri desberdinetatik jasotako haren ahots pasarteekin.
FREE SOUTH AFRICA8’
Zuzendaria: Sean Villanueva
Ekoizlea: Sean Villanueva
Belgika 09
Nico Favresse, Sean Villanueva eta Ben Ditto, Torres del Painen, Patagonian, Dorre Zentraleko klasiko bat, Bide Hegoafrikarra, era askean eskalatzen. Gora zihoazen ahala jauzi luzeek eta offwidth beldurgarriek markatu zuten bidea, beti granitozko dorre zoragarri hartan zintzilik.
WHITE NOISE12’
Zuzendaria: Dominique Perretasun
Ekoizpena: Vertical Zoo Films Sàrl
Suitza 2008
‘White Noise’ mendeko freeride-eskiatzailerik onena izendatutako Dominique Perret suitzarraren 20. laburmetraia da. Chugach Mountains eta Alaskako malda birjinetan bi hilabetez, bi negu tarteko, eginiko saiakeren emaitza da. Mendiari hitza ematen dion pelikula da, eskiatzaileak gailurrean dagoenean sentitzen dituen beldurra eta errespetua ikuslearekin elkarbanatu nahi ditu. Barne sentsazioak elkarbanatzeko gonbite bat da.
Ekoizpena: Peter Mortimer and Nick Rosen, Sender Films
EEBB 2008
Abenturaren muga ertzean aritzen diren eskalatzaile zenbaiti buruzko pelikula da hau. Trad bide nekagarriak, bloke beldurgarriak, izotzez estalitako horma alpinoak, era askean eta bakarka eginiko muturreko igoerak… Eskalatzaileek euren beldurrei aurre egiten diete beste aldean egon litezkeen ondorioak ezagutzeko grinaz. Steph Davis, Tommy Caldwell, Matt Segal, Lisa Rands, Topher Donahue eta puntako beste hainbat haitz eskalatzaile munduko toki zoragarrietan: Italiako Alpeak, Txekiar Errepublikako are-orratzak, Yosemite, Utah-ko basamortua, eta Coloradoko Haitz Mendiak.
Osteguna, 17
Programa 2009
18:30
COMMITTED II: GRIT KIDS 25’
Zuzendaria: Paul Diffley
Ekoizlea: Dave Brown
UK 2008
Pete eta Katy Whittaker anai-arreba nerabeek sekulako igoerak egingo dituzte oso arroka berezian. Arratsalde batez, eskolatik irtetean, eta familia osoa begira duela, Petek Burbage South-eko ikonoa den bide baten lehen igoera osatuko du.
LAS CAVERNAS DE LA ISLA DE PASCUA29’
Zuzendaria: Diego Rojas
Ekoizpena: Diego Rojas
Txile 2009
Pazko Irlen misterioak ezagutuko ditugu euskal espeleologoen eskutik. Zientziak aurrez sekula grabatu ez dituen lurraldeak agertuko dira abentura honetan. Pazko Irlako leizeetan barrena ibiliko gara, hango historian eta mitoetan barneratu, eta zientzia modernoarentzat mugarriak izango diren gauzak argituko ditugu.
OLTRE LA PARETE 34’
Zuzendaria: Elio Orlandi
Ekoizpena: Elio Orlandi
Italia 2009
Alpinismoak eta eskaladak alaitasuna, dibertsioa, lasaitasuna, arintasuna, izpiritu askea, pasioak elkarbanatzea, hurkoarekiko errespetua, laguntasuna, adierazi beharko lituzke, eta hori guztia da esperientzia eder honetan eduki genuena. Izan ere, hormatik haratago daude bizitzako benetako balioak, askoz ere garrantzitsuagoak direnak.
Hala, pelikula orijinala da hau, bapatekoa, fikziorik gabea. Abentura bertikal bat bere benetakotasunean kontatzen du, telebista eta ekoizpen handien eskueratik at.
L’ALTRA CARA DE LA FORCA 56’
Zuzendaria: Oriol Garcia Farré
Ekoizpena: Oriol Garcia Farré
Espainia 2008
Pedraforca-ko ipar aurpegitik egindako lehen igoeraren antzezpen bat da zinta hau. Egungo lau alpinistek 1928an egin zen jarduera berregingo dute garai hartako baliabideak soilik erabiliz. Edozein mendi, izan fisikoa zein psikologikoa, hainbat eratara igo daitekeela erakutsi nahi da. Motor horretan oinarritu zen Lluis Estasen-ek gidatutako alpinista taldea jatorrizko ekintza hartan. Estasen da istorio honetako pertsonaia nagusia, argi-itzaleko garai batean, arazoei aurre egiteko mentalitate kolektiboa bultzatu zuen gizasemea.
Asteazkena, 16
Programa 2009
18:30
SLACK LINE: GRABITATEARI ERRONKA18’
Zuzendaria: David Maeztu
Ekoizpena: Bideografik Ekoizpenak
Espainia 2009
Helburu bat: beldur bat gainditzea… Eta hori lortzeko hiru toki desberdin: Arrigunagako hondartza, Algortako Portu Zaharra eta Ereñoko harrobia. Lagun talde baten erronka da, sasoia hobetu, oreka lortu eta, bide batez, ondo pasatzeko sortua. AEB-n jaiotako jarduera bat da Slack Line, eskalatzeko oreka hobetu nahi zuten kirolari batzuei otu zitzaien hartan hastea. Pixkanaka haren praktika mundu guztian barrena zabaldu da, eta Euskal Herrian oraindik gehiegi egiten ez bada ere joera laster aldatu liteke lagun talde honen ereduarekin.
Asgard Jamming 50’
Zuzendaria: Sean Villanueva
Ekoizpena: Sean Villanueva
Belgika: 2009
45 egun, 0 gau, 600km oinez, 11 egun horman, 4 gizonezko, emakume bat eta hartz polarrak… ‘Asgard Jamming’ Baffin Irlan, Kanadako Artikoan, horma handietan eginiko eskalada askeko saioen erakusle da. Protagonistak: Sean Villanueva, Stephane Hanssens, Nicolas Favresse, Olivier Favresse eta Silvia Vidal.
Les frères Ravier, l’Aventure Pyrénéenne52’’
Zuzendaria: Maryse Bergonzat
Ekoizpena: SZ Productions et France 3 Aquitaine
Frantzia 2008
Jean eta Pierre Ravier-ek ia Piriniotako ‘klasika’ guztiak ireki zituzten. Gerritik korapilo sinple eta material eskasarekin elkar lotuta, anai bikiok mendilerro guztian barna 200dik gora bide zabaldu zituzten. Bakarrak diren estiloan eta konpromiso mailarekin, abentura senak gidatuta, literatura sena, gauzak asmatzekoa, laguntasun sena… 60 urteko jardunaren ostean oraindik ere bizi dirau haien mendiarekiko maitasunak.
Noiz hasten da ibilbide bat? Nola sortzen dira ideiak, nola desioak? Zein zentzu du lehenengo irekierak soilik egiteak? Eta elkarrenaganako erakarpen betiereko horretan zein da Pirinioen rola?
Christian Ravier
Alpinismoa ez da kirola, alpinismoa bizi-abentura bat da, ezagutza gosea erakusten duen zerbait da, askatasunaren bilaketa bat, eta hori erakusteko nor egokiago Christian Ravier baino. Gizon hau ez da itxurakeriatan ibiltzen denetakoa, ez du doaneko erakustaldirik ematen: mendiarekiko, etikarekiko eta ametsik ausartenei aurre egiteko grinarekiko, konpromisoa da harena, barren barreneko konpromisoa. Beste garai bateko gizona da, alpinismoaren etorkizuna orainetik eraikitzen ari dena.
Chistian Ravier-ek esperientziez eta irudi bikainez beteta ekarriko du bizkar-poltsa:
“Pirineismoa nola bizitzen dudan erakusten saiatuko naiz Hegora begiratuta, Aragoako eta Kataluniako mendizerrei begiratuta. Zenbat istorio biltzen den han: hormen istorioak, aurkitutako bide-lerroenak, harrizkoak, izotzezkoak, nire gidari bizitzarenak…
Ondoren, eskalada bidaiatzeko eta gauza berriak ezagutzeko aitzakia ezinhobea dela erakutsiko dut: Marokoko Atlaseko Taghia, Norvegiako neguetako argiak, Sahara basamortua, Maliko Fatimaren Eskua, Eskoziako Ben Nevis, eta Jordaniako haitzaren marrazki harrigarriak
ezagutuko ditugu.
Asteartea, 15
Programa 2009
18:30
BEGIZ BEGI40’
Zuzendaria: Alberto Iñurrategi
Ekoizpena: Alberto Iñurrategi
Espainia 2007
“Zer ikusten dugu?
Dantza bat. Ez gara gorago iristen.
Baina, ikusten ote dugu?
Ez, guk ez dugu ikusten: guk harrapatu egiten dugu.
Atzo elefanteak, lehoiak eta tigreak harrapatzen genituen safarietan.
Gaur irudi exotikoaren safaria egiten dugu, bertako kolorearena, bitxikeria telebistagarriarena.
Ni zuri, zu folklore. Zuk dantza, nik graba.
Kamera da gure rifle berria. Begira harrapatu ditugun piezak.
Ez ote dira interesgarriak?”
VIDA ENTRE LAS ESTRELLAS29’
Zuzendaria: Alberto Urtasun
Ekoizpena: Nive S.L.
Espainia 2009
Zeugandik desberdinak al gara? Izarrak berriro ez nituela bisitatuko esan zidaten, ezingo nuela berriro mendien gainetik hegan egin. Hargatik bidaia bat asmatu nuen, emakumea, mendia eta gure gizartean tabua den hitz bat, desgaitasuna, batuko zituen bidaia bat. Eta ikusi, neure zangoak eta besoak mugitzeko aukerarik ez dudan arren, berriz ere izar artean bizi ote nintekeen.
Los Arenales: “quien anduvo lo sabe”36’
Zuzendaria: Ramiro Calvo
Ekoizpena: Old Fox
Argentina 2008-2009
Izenak erakusten duen moduan, Andeetako mendilerroan dagoen haitzezko altxorretako baten istorioa kontatzen da pelikula honetan, haitz eskalada jarduera bat fikzio eran hartua. Aurkezten diren pertsonaiak, benetakoak batzuk, oso benetakoak besteak, eta hala direnaren itxura eman dezaketenak beste batzuk, kointzidentzi hutsa besterik ez dira.
L’ OSSA11’
Zuzendaria: Gerard Sinfreu
Ekoizpena: Txell Segués
Espainia 2007
Jaume, Ingurumen langilea bera, Arduix herrira iritsi da bailara horretara heldu den hartz bat identifikatzeko asmoz. Esperientziarik ez duenez herritarren laguntza beharko du, baina hauek mesfidatiak dira, ez dute hartzari buruz ezertxo ere entzun nahi. Lortuko al du Jaumek haien laguntza? Aurkituko al du hartza? Eta zertaraino dago prest hori lortzeko?
AU DELA DES CIMES72’
Zuzendaria: Rémy Tezier
Ekoizpena: TEC TEC PRODUCTION-Reunion TV
Frantzia 2009
Zinta honek Catherine Destivelle-k mendiarekiko duen pasioa erakusten du, jakitun bera dela mendiaren enbaxadore handietako bat. Catherinek Mont Blanc mendilerroko gailur mitikoenetako zenbaitetara eramango ditu gertuko dituen pertsonak: Paulinekin, haren ikasle izandakoa bera, Grand Capucin-eko Ekialdeko aurpegi zaila eskalatuko dute; Claire ahizpa gazteenarekin Grépon orratz zorrotzeko gailurrera iritsiko da; eta Lothar eta Gaby lagunekin Aiguille Verte-era glaziarretik igoera ikusgarri bat egin eta Alpeetako ikusmirarekin txundigarriaz gozatuko dute.
