ARAUDIA ETA SARIAK MENDI BBK MENDI FILM BILBAO-BIZKAIA 2021eko SAIL OFIZIALEAN IZENA EMATEKO ARAUDI ETA PROZEDURA
BBK Mendi Film Bilbao-Bizkaia (Mendi Film) jaialdiaren 14. edizioa online eta aurrez aurre ospatuko da Bilbon 2021eko abenduaren 3tik 12ra.
Jaialdia, aurrez aurre zein online, Mendi Film Festival Kultur Elkarteak antolatuko du; horren IFK zenbakia G01503192 da eta egoitza nagusia, Portal del Rey 14 - 3 eskuma, Vitoria-Gasteiz 01001 (Espainia).
MENDI FILM, mendia, abentura, muturreko kirolak eta natura gaiei buruzko film eta dokumentalen Nazioarteko Jaialdia, International Alliance for Mountain Film erakundearen kide da 2011z geroztik.
BALDINTZA OROKORRAK
·Mendiarekin erlazionatuta dauden gaiak jorratzen dituzten filmek parte hartu ahal izango dute: alpinismoa, eskalada, abentura eta mendi kirolak, eskia, muturreko kirolak, ekologia, ingurumena, etnografia…
· 2019ko urtarrilaren 1etik aurrera ekoitzitako lanek baino ezin izango dute parte hartu edizio honetan.
· Parte-hartzaile bakoitzak film bat baino gehiago aurkeztu ahal izango ditu, eta haietako bakoitzari dagokion izena emateko inprimakia betetzea ezinbesteko baldintza da.
· Hautaketa Batzordeak hautatuko ditu lehiaketarako filmak.
· Hautatutako filmak behin edo bi aldiz eskainiko dira 2021eko abenduaren 3tik 11ra. Film sarituak 2021eko abenduaren 12an eskaini ahalko dira. Antolakuntza Batzordeak erabakiko du zein egunean eta zein aretotan eskainiko diren hautatutako filmak. Jaialdiaren Zuzendaritzak programazioa aldatzeko eskubidea du.
· Parte-hartzaileak aurkeztu duen lanaren jabetza intelektualaren eta emanaldi publikoen eskubideen titularra dela ziurtatzen du. Aldi berean, egileak bermatzen du MENDI FILM jaialdiak ez duela lan hori jendaurrean erakusteko inolako eragozpenik (ez legezko, ez kontratuzko, ez bestelakorik). Era berean, aurkeztutako lanean agertzen diren osagai eta elementuen (musika, bideo, irudiak, grafismoa, etab.) eskubideen jabe diren pertsona edo erakundeek eman beharreko baimenak badituela ziurtatzen du. Izena ematen duen horrek, egile-eskubide alorrean bitartekoek egin ditzaketen erreklamazioen aurrean, MENDI FILM jaialdiaren Antolakuntza Batzordeak kalterik ez izateko konpromisoa hartzen du. MENDI FILMek egile-eskubideak ez dituen edozein film deskalifikatzeko eskubidea erreserbatzen du.
IZEN-EMATEAK – EPE MUGA: 2021eko IRAILAK 15
· 2021eko BBK Mendi Film Bilbao-Bizkaian izena emateko epea 2021eko apirilaren 1ean hasiko da eta irailaren 15ean itxiko da.
· Izen-ematea zuzendari, ekoizle edo haien legezko ordezkariek gauzatuko dute.
· BBK Mendi Film Bilbao-Bizkaia jaialdiaren 14. edizioan izena ematea doakoa da.
· Izena emateko, inprimakia online bete beharko da eta zerrendatzen den materiala erantsi.
· Aurkeztutako lan ororekin, jatorrizko bertsioaren hizkuntza edozein dela ere, nahitaez aurkeztu behar da ingelesezko azpitituluen artxiboa (.srt) eta/edo denbora kodeak dituen hizketen zerrenda ingelesez.
· Beharrezkotzat jotzen den dokumentazioa aipatutako epean bidali beharko da posta elektronikoren bidez (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.).
·Izen-emate guztiek jaso izanaren adierazpena jasoko dute.
· MENDI FILMen Antolakuntza Batzordeak izena ematen duten parte-hartzaile guztiei pertsonalki jakinaraziko die hautaketa ofizialaren emaitza, publikoki jakitera eman aurretik eta, gutxienez, jaialdia hasi baino hiru aste lehenago.
· MENDI FILMen Antolakuntza Batzordeak hautatutako filmen parte-hartzea eskubideen titularrekin posta elektronikoz konfirmatuko du. Titularrak hiru lanegun izango ditu hautaketa konfirmatzen denetik bere parte-hartzea atzera botatzeko.
· Lanak edizio honetan parte har dezala onartuz gero, aurretiko hautaketarako kopiak MENDI FILM jaialdiaren artxibo historikoen parte bilakatuko dira. Kopia horiek barne-kontsultak egiteko eta jaialdiaren sustapenerako baino ezin izango dira erabili, filmaren ustiapen- eta banaketa-eskubideen titularren baimena jaso ondoren.
BALDINTZA TEKNIKOAK
Hautatu diren filmek honako ezaugarriak bete behar dituzte:
Video codec: Apple prores 422 or DNXHD 115
Audio MPEG-4 stereo, 48kHz, 128 kbps
Filmak postaz bidaliz gero (USB flash unitatea, HDD disko gogor eramangarria, SD txartela), Antolakuntza Batzordeak ez du bidaltze eta itzultze edo aduana gastuen ardura hartuko.
SUSTAPENERAKO MATERIALA
Izen-emate oro filmaren hiru irudirekin eta posterrarekin batera bidali beharko da. Irudi horiek erreproduzitu, argitaratu edo erakutsi ahalko dira, jaialdiaren sustapenerako den heinean
Argazkiak entregatzeko baldintzak:
- Formatua: JPEG edo PNG
- Gutxieneko bereizmena: 3500x2000 edo handiagoa
- Gehieneko tamaina: 5000kB
Argazkiekin batera, bidali beharko dira filmaren izenburua, kokalekua eta autorearen kredituak. Hautatutako lanen argazkiak MENDI FILM jaialdiaren artxiboetan gordeko dira.
“Press Kit” eta zuzendariaren curriculuma gehitu behar dira.
BBK Mendi Film Bilbao-Bizkaiak hautatutako filmen informazioa eta aurkeztutako promoziorako materiala (inprimakian emandako informazioa, argazkiak, kartelak, trailerrak eta 3 minutu baino gutxiago irauten duten filmaren zatiak barne) MENDI FILMen kanal ofizialetan eta online zein offline-ko komunikabideetan aldatzeko eta erabiltzeko eskubidea erreserbatzen du.
SARIAK
Jaialdiaren zuzendaritzak bost kidez osatutako Nazioarteko Epaimahaia izendatuko du.
Nazioarteko Epaimahaiak, jaialdiaren zuzendaritzarekin batera, barne-arautegia ezarriko du. Epaimahaiaren erabakia ezeztaezina izango da. Honako sari hauek banatuko dituzte:
· Sari Nagusia: “Eguzkilore” garaikurra eta 6.000 euro*
· Zuzendari Onena: “Eguzkilore” garaikurra eta 3.000 euro*
· Gidoi Onena: “Eguzkilore” garaikurra eta 2.000 euro*
· Argazkilaritza Onena: “Eguzkilore” garaikurra eta 2.000 euro*
· Epaimahaiaren Saria: “Eguzkilore” garaikurra eta 2.000 euro*
· Mendiko Film Onena: “Eguzkilore” garaikurra eta 1.200 euro*
· Eskaladako Film Onena: “Eguzkilore” garaikurra eta 1.200 euro*
· Kultura eta Natura Film Onena: “Eguzkilore” garaikurra eta 1.200 euro*
· Kirol eta Abentura Film Onena: “Eguzkilore” garaikurra eta 1.200 euro*
· Film Labur Onena: “Eguzkilore” garaikurra eta 1.000 euro*
· Euskarazko Film Onena: “Eguzkilore” garaikurra eta 1.000 euro*
Ikusleak aukeratutako filma gehituko da sari zerrendara.
·Ikusleen saria: “Eguzkilore” garaikurra eta 1.000 euro*
*Sarien zenbateko gordinei indarrean dagoen zerga-araudia ezarriko zaie.
30 minutu edo gutxiago irauten duten filmak sartuko dira Film Laburren kategorian.
Epaimahai Ofizialak aipamen bereziak eskaini diezazkieke nahi dituzten filmei.
Sariak 2022ko lehen lauhilekoan zehar ordainduko zaizkie eskubideen titularrei.
BBK MENDI FILM BILBAO-BIZKAIA 2021 ONLINE
2021eko BBK Mendi Film Bilbao-Bizkaiaren 14. edizioa online mantenduko da 2021eko abenduaren 3tik 2022ko urtarrilaren 12ra arte, eta programazioa Vimeo plataforman duen kanalaren bidez eskainiko du. Filmak edo pack-ak abenduaren 12ra arte alokatu ahalko dira. Full pack-a abenduaren 12an alokatzen duten erabiltzaileek edukiaz urtarrilaren 12ra arte gozatu ahalko dute; hau da, abenduaren 13tik aurrera ezin dira filmak alokatu, baina ikusi ahalko dira pack-ak irauten duen bitartean.
Sail Ofizialean parte hartzen duten filmak banaka, gaika multzokatuta edo film guztiak eskaintzen dituen full pack-ean eskainiko dira.
Filmak jatorrizko bertsioan eskainiko dira, euskarazko, gaztelaniazko eta ingelesezko azpitituluekin.
MENDI FILM online-n programazioa Espainiara geo-blokeatuta egongo da.
Jaialdiaren online bertsioan filma eskaintzearekin lortutako dirutik, eskubideen titularrak irabazien portzentai bat jasoko du, zergak eta publizitatearen, plataformaren eta bere konfigurazioaren gastuak ordaindu ondoren.
Portzentai hori aurrez aurreko jaialdiaren mende egongo da, hori ospatzeko baldintzen mende. Aforoa murriztu beharko balitz, jaialdiak aforo normalarekin aurreikusitako sarreren salmenten irabaziak jaso behar ditu, mozkinak kontabilizatu ahal izateko.
Aforoa ez bada murrizten, online-ko salmentarekin lortutako dirua, gastuak ordaindu ondoren, mozkin gisa kontabilizatuko da.
Filmak pack baten barne daudenean, banaketa gainerako filmen iraupenarekiko proportzionala izango da.
MENDI TOUR 2022
2021eko BBK Mendi Film Bilbao-Bizkaia jaialdiko Sail Ofizialean dauden film guztiak hartuko dira kontuan 2022ko Mendi Tourreko zerrenda osatzerako orduan. Mendi Tourra BBK Mendi Film Bilbao-Bizkaiak antolatzen duen zirkuitu ibiltaria da; urtean zehar, Espainiako 50-60 hiritara hurbiltzen da.
MENDI FILM hautatutako filmen eskubideen titularrekin harremanetan jarriko da 2022ko Mendi Tourrean parte hartzeko, eta dagozkion baimenak (royalties barne) gauzatzeko.
Araudi honetan aipatu ez den edozein egoera BBK Mendi Film Bilbao-Bizkaia jaialdiaren 14. edizioaren Antolakuntza Batzordeak konponduko du, ikus-entzunezko jaialdien eskubide, erabilera eta ohiturekin loturiko printzipio orokorrak errespetatuz.
Araudi honen interpretazioa eta gauzatzea jaialdiaren Antolakuntza Batzordeari baizik ez dagokio.
Izena ematean emandako datu guztiak kontu handiz tratatuko dira, datu pertsonalak babesteko araudiaren arabera. Datuen tratamenduaren helburua BBK Mendi Film Bilbao-Bizkaiaren eta etorkizuneko edizioen izen-emate eta garapen jarduerei lotuta dago. Titularraren datuak aldatuz gero, Asociación Cultural Mendi Film Festival Elkarteari jakinarazi beharko dio, datu-basearen eta web-orriaren erakunde kudeatzailea den heinean, posta elektroniko bat bidaliz hurrengo helbidera: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.. Asociación Cultural Mendi Film Festival Elkarteak datuak zehatz eta egiazkotzat joko ditu beti; datu horiek ez zuzentzeak Elkartea erantzukizunetatik salbuesten du. Datu pertsonalei dagokienez, titularrak edozein unetan erabil ditzake bere sartzeko, zuzentzeko, aurka egiteko edo deuseztatzeko eskubideak, eta Asociación Cultural Mendi Film Festival Elkarteari jakinarazi ahalko dio, datu-basearen eta web-orriaren erakunde kudeatzailea den heinean, posta elektroniko bat bidaliz hurrengo helbidera: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.. Emandako datuak bitarteko batenak izanez gero, azken horrek erabilera eta funtzionamendu baldintza horien berri izan behar du, eta izena emateko inprimakia bidali eta/edo betetzen duen hori izango da erantzule bakarra.
Eskubideen titularrak, zuzendariak, ekoizleak edo banatzaileak BBK Mendi Film Bilbao-Bizkaiaren 14. edizioaren izena emateko inprimakia sinatu izanak araudi honen baldintzak onartzea dakar.
2020ko SARITUAK
SARI NAGUSIA “Eguzkilore” garaikurra eta 6.000€
HILLARY - OCEAN TO SKY, Australia, 2019
Zuzendaria: Michael Dillon
ZUZENDARI ONENA “Eguzkilore” garaikurra eta 3.000€
MARCIN POLAR. HARDA – THE TOUGH, Polonia, 2019
GIDOI ONENA “Eguzkilore” garaikurra eta 2.000€
A DREAM OF EDWIN DRUMMOND, Erresuma Batua, 2020
Zuzendari eta gidoilaria: Paul Diffley
ARGAZKILARITZA ONENA “Eguzkilore” garaikurra eta 2.000€
VAELTAJAT - WANDERING IN THE WHITE, Finlandia, 2019
Zuzendaria: Otto Heikola
Argazkilaritza: Otto Heikola
EPAIMAHAIAREN SARIA “Eguzkilore” garaikurra eta 2.000€
L’ESCALADE LIBÉRÉE, Frantzia, 2020
Zuzendaria: Benoît Regord
MENDIKO FILM ONENA “Eguzkilore” garaikurra eta 1.500€
BYĆ KOBIETĄ W HIMALAJACH (TO BE A WOMAN IN THE HIMALAYAS), Polonia, 2018
Zuzendaria: Eliza Kubarska
ESKALADAKO FILM ONENA “Eguzkilore” garaikurra eta 1.500€
FREE AS CAN BE, AEB, 2020
Zuzendaria: Samuel Crossley
KULTURA ETA NATURA FILM ONENA “Eguzkilore” garaikurra eta 1.500€
INTO THE CANYON, AEB, 2019
Zuzendaria: Peter McBride
KIROL ETA ABENTURA FILM ONENA “Eguzkilore” garaikurra eta 1.500€
METANOIA, Alemania, 2020
Zuzendaria: Florian Gassner
FILM LABUR ONENA “Eguzkilore” garaikurra eta 1.000€
EL GRAN HITO, Espainia, 2020
Zuzendaria: Ignasi López Fàbregas
EUSKARAZKO FILM ONENA “Eguzkilore” garaikurra eta 1.000€
MENDIAN HIL, HIRIAN HIL, Espainia, 2020
Zuzendaria: Iñaki Peña Bandres
IKUSLEEN SARIA “Eguzkilore” garaikurra
EVEREST – THE HARD WAY, Eslovakia, 2020
Zuzendaria: Pavol Barabáš
EPAIMAHAIAREN AIPAMEN BEREZIA
OUT OF THE BLUE, Frantzia, 2020
Zuzendariak: Davina Beyloos Montaz-Rosset & Sébastien Montaz-Rosset
EPAIMAHAIAREN AIPAMEN BEREZIA
POLYFONATURA, Norvegia, 2019
Zuzendaria: Jon Vatne
