Egitaraua eta Sarrerak

Sortu Mendi Film 2025ko zure bonua

Astelehena. 01 Abendua, 2025 - Igandea. 07 Abendua, 2025

Week 49

Ostirala. 05 Abendua, 2025
19:30	Euskalduna Bilbao 5 dic 19:30 ITSASORA Euskalduna Jauregia ITSASORA 2025, Espainia, 77min Zuzendaria: Mikel Urdangarin NAZIOARTEKO ESTREINALDIA Mikel Urdangarin musikariak bere belaontzi zaharberritua Galiziatik Euskal Herrira ekartzeko laguntza eskatu dio Unai Basurkori -munduari itzulia belaontzian eta bakarka osatu zuen itsas-gizona-. Itsas zeharkaldiaz batera, musikariaren barne bidaia ere martxan jarriko da. Olatuak harkaitzen kontra nola, talka gogorra gertatuko da antzinako bi munduren artean. Lehorretik itsas zabalera. Bi bizimodu aurrez aurre. Itsas bizitzak lehorrekoari erantzuten dio, baina lehorrean bertan ere bada kontrapunturik. Dokumentalean agertzen diren sortzaileen testigantzak dira horren erakusle: lehorreko itsaso dira.
Larunbata. 06 Abendua, 2025
09:00	WORKSHOP ERLIEBEZKO GRABATUA Euskalduna Bilbao 6 Dic 9:00 Euskalduna Jauregia ERLIEBEZKO GRABATUA MYRIAM GESALAGA, VICTOR RÍOS Y ELI AZURMENDI Larunbata abenduak 6 – 9:00-11:45 Euskalduna Bilbao Erliebean grabatzeko tailer monografikoa, linograbatuan. Mendi irudiak landuko dira, hainbat baliabide grafikoren bidez sintetizatuko direnak (kontraste handiko marrazkitan), linolio-euskarrira transferitzeko, ondoren gubia bidez tailatzeko eta, azkenik, hainbat euskarritan estanpatzeko. • 10-12 parte-hartzaileko taldea • 16 urtetik gorakoak • 4 ordu: 2 ordu linolio-matrizea marrazten eta zizelkatzen, eta bi ordu estanpatzen. Myriam Gesalaga UPV/EHUko Arte Ederren Fakultateko grabatu eta teknika grafikoen saileko irakasle doktorea. Victor Ríos Akademikoa UNAM- Universidad Nacional Autónoma de México-ko Arte eta Diseinu Fakultatean duela 28 urtetik Estanpa Eremuan. Eli Azurmendi Expocroquis proiektuaren egilekide eta koordinatzailea da, eta ‘El arte en el croquis de escalada-Art in climbing topos’, 'HARRI, ORRI, ARkatz' erakusketa eta izen bereko dokumentala biltzen ditu.
09:30	WORKSHOP MENDIKO BIKIEN FABRIKAZIOA Euskalduna Bilbao 6 Dic 9:30 Euskalduna Jauregia MENDIKO BIKIEN FABRIKAZIOA. Podhaleko (Polonia) kulturan eta folklorean inspiratuta (ingeleraz) Larunbata abenduak 6 – 9:30-11:30 Euskalduna Bilbao Bikiak (spinki) menditar baten janzkeraren funtsezko zati bat dira: atorrak lotzeko erabiltzen diren itxitura metalikoak dira, eta historia eta esanahi kultural aberatsa dute. Tailer praktiko honetan, parte-hartzaileek beren bikiak sortzeko aukera izango dute, teknika tradizionalek gidatuta eta Podhaleko (Poloniako hegoaldeko eskualdea, Tatra mendien magalean) tokiko folklorean inspiratuta. Bazkideak: Mendi Film eta EMMOA Poloniako Kultura eta Ondare Nazionaleko Ministerioak batera finantzatutako proiektua, Kultura Inspiratzailea Programaren esparruan. • Helduei eta gazteei irekia • Muga: 10 parte-hartzaile
09:30	WORKSHOP ESKALADA LESIOAK Euskalduna Bilbao 6 Dic 9:30 Euskalduna Jauregia ESKALADA LESIOAK. Sintomak, tratamendua eta prebentzioa ANDONI ORMAZABAL Larunbata abenduak 6 – 9:30-11:30 Euskalduna Bilbao Eskaladan gehien gertatzen diren lesioak aztertzen dituen hitzaldia da hau, dibulgaziozko ikuspegi atsegin batetik. 2 orduko iraupena du, bendajeen eta ariketa espezifikoen erakustaldi praktiko batzuk barne. Andoni Ormazabal (Urretxu, 1978 Fisioterapeuta da, kirol fisioterapian eta osteopatian eta Txinako medikuntza tradizionalean masterra du. 25 urte baino gehiagoko esperientzia klinikoa du, azken 20 urteak eskaladak eta mendiak eragindako lesio espezifikoetan zentratuta. EMFko (Euskal Mendi Federazioa) eta FEDMEko (Espainiako Mendi eta Alpinismo Federazioa) fisioterapeuta da. Eskalada eta alpinismo taldeetarako prestakuntza ugari eman ditu, baita fisioterapeutei ere, eta kongresuetan eta bestelako formazioetan parte hartu du hizlari gisa.
12:00	Euskalduna Bilbao 6 dic 12:00 MONT BLANC ÉTERNEL?, Mendi Talk EDURNE PASABAN Euskalduna Jauregia MONT BLANC ÉTERNEL? 2025, Frantzia, Italia, 50min Zuzendaria: Bertrand Delapierre EUSKADI MAILAKO ESTREINALDIA Mario Colonel, duela 42 urtetik Chamonixen bizi den argazkilari eta alpinista profesionala, kazetaria eta liburu ugariren egilea, bere azken argazki kanpainan murgilduko da. Mont Blanc mendiguneko txoko ederrenak ezagutzen ditu, eta haiei eragiten dien klima-aldaketagatik kezkatuta, goi-mendiko bidaia bat proposatuko digu. Bidean pertsonaia ugari ezagutuko ditu, besteak beste, mendi-gidari zahar bat, filosofo bat, alpinistak, ingurumen-aktibistak, margolari bat, soziologo bat eta basozain bat. Haiekin, gertatzear dauden aldaketei buruz hitz egiten du, itxaropenerako tartea gordez. EDURNE PASABAN RAMÓN OLASAGASTI, CÉSAR LLAGUNO, FELIPE H. NAVARRO Y PEDRO VILLAREJO Larunbata abenduak 6 – 12:00 Euskalduna Bilbao Zortzi mila metrotik gorako hamalau mendiak igo zituen munduko lehen emakumea izan zen. Izena eta izana, historiaren sokan betiko lotuta. Mendi handi haietan elur betierekoa harkaitzari itsasten zaion moduan. Izan zitekeen Irati, edo Amaia, baina Edurne da: elurra, euskaraz. Izena duenak izana du, dio esaerak, bai, baina komiki hau ez da mito bat sortzeko ahalegina. Edurne ez da mitoaroko izakia: 14 aldare gurtu haietara igotzeko gai dena izan liteke hauskorra ere, goi-mendiko malkarretan soilik hazten den elur lorea nola. Depresioaren hondorik sakonenetik ateratzeko, zortzimilakoa ez, bere bizitzako bederatzi milako zailena igo behar izan zuen Edurnek, eta bide horretan hainbat lagun izan zituen sokaren beste aldean, Asier Izagirre gaztetako sokakidea eta beste asko. Aberatsa da elurraren inguruko hiztegia, eta izan liteke egokia Edurneren ibilbidea laburtzeko ere: pasio bat mamitzen hasten deneko elur lapatxa, hainbat zorigaitzen ondorioz jausitako elur malkoak, elur zuloan erori zenekoa, zoko ospel hartan bizitako sentimendu mingotsak lurmentzea... Edurnek bide bat urratu du, baina bere aurretik ere izan dira aztarna zabaldu dutenak: Pili Ganuza, Amaia Aranzabal, Miriam Garcia Pascual eta beste hainbat, eta haien ibilia ere jasotzen da orriotan, elur gainean txori hanka arinek utzitako arrasto sail ederra bezalaxe. Mendi Film & Sua Edizioak komiki bilduma: • Everest: 1980ko Euskal espedizioa - Herri oso bat gailurrean (2018) • Iñurrategi Anaiak: Mendiari bihotz emanak (2020) • Andres Espinosa: bakarrik eta libre (2022) • Edurne Pasaban (2025)
16:00	Mendi talk UNA VIDA ENTRE MONTAÑAS. GORETTA Y RENATO CASAROTTO Euskalduna Bilbao 6 Dic 16:00 Euskalduna Jauregia UNA VIDA ENTRE MONTAÑAS. Goretta y Renato Casarotto RAMÓN PORTILLA Larunbata abenduak 6 – 16:00 Euskalduna Bilbao Maitasuna, bizitza eta mendiekiko pasioa soka berean lotzen dituen istorio eder bat: Renatok, eskalatzaile bakarti, gogor eta eskalatzen ari zen arroka eta izotza bezain hotzak, molde guztiak hauts eta alpinismoa imajinatu ezineko mailetara eraman zuen. Etika, konpromisoa eta erresistentzia fisiko eta mentala ziren haren euskarriak, muga guztiak urratzeraino. Gorettak, istorio honen guztiaren kontalari nekaezinak, denbora gehiena kanpaleku nagusian ematen du, horma azpian zain dagoenaren itzalak agertuz: ziurgabetasuna eta beldurra, maiz beste aldea bezain gogorra. Banaezinak izaki, biek ondare bera partekatzen dute, eta lehen aldiz gaztelaniaz berreskuratu dugu.
17:00	Euskalduna Bilbao 6 dic 17:00 PASTRANA, IN COLD BLOOD, B.I.G. - A WORLD FIRST Euskalduna Jauregia PASTRANA 2024, Brasil, 15min Zuzendaria: Gabriel Motta, Melissa Brogni ESTATU MAILAKO ESTREINALDIA Jaitsieretako skate-patinatzailea da Melissa. Haren lagun Pastranaren omenez, bideo bat editatuko du oroitzapenak, irudiak eta elkarrizketak berriro biziz, eta haren lagunen eta senideen bitartez iragana berreskuratuko du. Pastranaren une oroko presentziak isiltasuna betetzen eta denboraren ulermen sakonago bat barneratzen lagunduko dio. IN COLD BLOOD 2025, Frantzia, 35min Zuzendaria: Alex Heitler ESTATU MAILAKO ESTREINALDIA Mendiko film intimoa, Victor de le Rue-ren barne-ahotsaren bidez kontatua, beldurraren eta obsesioaren artean kateatuta dagoen snowboarder eta abenturazalea. Muturreko freeride lehiaketen eta mendiko abentura basatien jokoan iaioa da, bai, baina oreka bilatu nahi du adrenalinaren eta familiaren artean, anbizioaren eta bakearen artean. Hau gizon batek mendiekin duen solasaldi zintzoa da, elkarrizketa eta harrokeriarik gabea. Azken finean, kontua ez da ibilbide onenarekin asmatzea, guztiz bizirik sentitzea baizik. B.I.G. - A WORLD FIRST 2025, Austria, 54min Zuzendaria: Johannes Mair ESTATU MAILAKO ESTREINALDIA 2023ko irailaren 20an, Jakob Schubertek arrasto berria ezarri zuen eskaladan, Norvegiako Flatanger-en B.I.G. lehen aldiz kateatuta, aurretik Project Big izenez ezagutzen zen lerroa. Adam Ondrak hamarkada bat aurrerago hornitu zuen bide hori, eta munduko zailenetako bat izatea aitortzen zaio. 2022an, biek, Schubertek eta Ondrak, indarrak batu eta bidea kateatzeko eginahala egin zuten, lortu gabe. Tematuta, Schubert hurrengo urtean itzuli zen filmazio talde batekin batera, eta arrakasta bideratu zuten saiakerak zuzenean eman zituzten streaming bidez.
19:45	Gala Inauguración Euskalduna Bilbao 6 dic 19:45 Euskalduna Jauregia OIARZÁBAL. ENTRE JUAN Y JUANITO 2025, Espainia, 110min Zuzendaria: Javier Álvaro Palomares NAZIOARTEKO ESTREINALDIA Juanito Oiarzabalek ez du aurkezpenik behar. 14 zortzimilakoak oxigeno artifizialik gabe igotzen hirugarrena izan zen, eta 14ei "bigarren buelta” emateko erronka bere eginda, guztira 26 zortzimilako igo ditu. Azken bi hamarkadetan, berriz, maiz ikusi dugu telebistako hainbat saiotan. Baina, benetako Juanito ezagutzen al dugu?
Igandea. 07 Abendua, 2025
10:00	WORKSHOP KOLORETAKO MENDIAK Euskalduna Bilbao 7 Dic 10:00 Euskalduna Jauregia KOLORETAKO MENDIAK LAURA ARANEGUI GAVIRIA Igandea abenduak 7 eta igandea abenduak 14 – 10:00-11:45 Euskalduna Bilbao Mendi Zale gaztetxoenoi zuzendutako tailer artistiko honetan, mendiko paisaia propioa sortuko duzue koloretako kartulinak erabiliz, ebakiz, itsatsiz eta marraztuz. Mendiak, zeruak, ibaiak, basoak eta beste elementu natural batzuk irudikatuko ditugu formekin, koloreekin eta konposizioekin jolastuz. Mendian inspiratutako agertokiei bizia emango diegu. Collagearen eta marrazkiaren bidez, parte-hartzaile bakoitzak bere sormena askatasun osoz esploratuko du, materialekin esperimentatuz eta etxera eraman ahal izango den obra bat sortuz. • 10-12 parte-hartzaileko taldea • 6 urtetik gora Laura Aranegui Gaviria: ‘Laura Blue’ izenez ere ezaguna, , Euskal Herriko Unibertsitatean (UPV/EHU) Sorkuntzan eta Diseinuan graduatua den artista eta ilustratzailea da, eta aipamena du Ilustrazioan. Ondoren, Ilustrazio Digitala eta Concept Art masterra egin zuen Bilboko Pixels Zentroan. Gaur egun, ilustratzaile independente gisa egiten duen lana Irakasleen Prestakuntzako Masterrarekin uztartzen du, eta bere praktika artistikoaren zati bat hezkuntza-testuinguruetara bideratzen du.
12:00	Euskalduna Bilbao 7 dic 12:00 SINKRONIA, THE FAST LINE, BEST DAY EVER Euskalduna Jauregia SINKRONIA 2025, Espainia, 29min Zuzendaria: Gorka Ipiñazar, Haizea Huegun ESTATU MAILAKO ESTREINALDIA Naturak eragin sakona du Gotzon Huegun eskultorearen sorkuntza-prozesuan. Bere begirada artistikoaren bidez, arteari buruzko gogoetak eta gizakien eta ingurune naturalaren arteko harremanaren pertzepzioa partekatzen ditu. Prozesuan, Gotzonen ibilbide eta garapen artistikoari buruz duen ikuspegia agertuko du bere alaba Haizeak, lankide ere badenak. Sorkuntza artistikoa inguruko munduarekiko sinkronia-ekintza bihurtzen da, eta bidaia horretan murgiltzeko gonbitea da hau. THE FAST LINE 2025, Suitza, 30min Zuzendaria: Jochen Schmoll EUSKADI MAILAKO ESTREINALDIA Abiadura errekor berria Alpeetako Eiger, Mönch eta Jungfrau ipar hormetan, Nicolas Hojac suitzarraren eta Philipp Brugger austriarraren eskutik. Aurreko igoera errekorra Ueli Steckek eta Stephan Siegristek ezarri zuten 2004an. 2025eko apirilaren 5ean hobetu zuten Hojac eta Bruggerrek, ilunpetan eskalatuz, pauso zailak menderatuz, erlojuaren kontra lehiatuz eta Jungfrau gailurrera erronka hasi eta 15 ordu eta 30 minutura helduz, aurreko errekorra baino ia 10 ordu azkarrago. BEST DAY EVER 2025, EEBB, 47min Zuzendaria: Ben Knight y Berne Broudy ESTATU MAILAKO ESTREINALDIA Greg Durso eta Allie Bianchi mendiko txirrindulari egokituek Vermonteko (Ameriketako Estatu Batuak) txirrindulari komunitatearen babes, laguntasun eta grinak hauspotuta egiten diete aurre beren ezintasunetatik eratorritako oztopoei. Desgaitasunari aurre egiteaz batera, ahaldundu egiten dira, umorez, jarreraz eta determinazio handiz. Mendiko bidezidorrak ezintasunengatiko diskriminazioari aurre egiteko lasterbideak dira haientzat. Horrela, komunitatea sendotzen dute, beste edozein tokitako txirrindularientzat eredu dira.
16:00	Mendi talk MONTAÑA. Luz y oscuridad camino a la cumbre Euskalduna Bilbao 7 Dic 16:00 Euskalduna Jauregia MONTAÑA. Luz y oscuridad camino a la cumbre OSCAR GOGORZA Igandea abenduak 7 – 16:00 Euskalduna Bilbao Zer lortu nahi du alpinistak? Montaña liburua denboran eginiko bidaia bat da, konkista anbizioen eta erronka itxura hartzen duten ametsen saski bat: Mont Blanc-eko aitzindarietatik Himalayako estilo alpetarraren abangoardiara; Saussure-ren jakin-min zientifikotik Steve House-ren perfekzio etiko eta estetikoaren bilaketara; Paul Preuss eta Alex Honnold "bakarlarien" ustezko "eromena", bien arteko mendeak urruntzen ez duena; "zortzimilakoak", lehen epika eta zailtasunaren sinonimo zirenak, turistentzako helmuga dira orain; eta Lynn Hill edo Wanda Rutkiewicz bezalako emakumeek berdintasunaren bide gorabeheratsuaren eredu izaten jarraitzen dute, kontraesanez eta iruzurrez betetako mundu bertikal batean. Belaunaldi bakoitzak aurrekoa hobetzen du, abiaduraren, entrenamenduaren eta tresna berrien bidez. Baina heriotza, eta hartatik ihesi ibiltzeko jolasa, dira oraindik hari nagusiak. Konkista-goseagatik muturreraino iristeko prest egote hori… Hutsala ote da?
17:00	Euskalduna Bilbao 7 dic 17:00 SIMMERING, LE MOULIN DES ARTISTES, TREELUDE, TRANGO Euskalduna Jauregia SIMMERING 2025, Italia, 15min Zuzendaria: Giulia Bertolazzi ESTATU MAILAKO ESTREINALDIA Munduko ultra-maratoi muturrekoenetakoa den Marathon des Sables-en parte hartzea da lau lagunen erronka: 250 km-ko lasterketa da, Saharako basamortuan egiten dena, autosufizientzian. Baina honako hau ez da kirol dokumental huts bat. Gizakiak muturreko baldintzetan dituen zaurgarritasuna, erresistentzia ahalmena, eta intimitatea agerian jartzen dituen bidaia mental eta sentsoriala ere bada. LE MOULIN DES ARTISTES 2025, Frantzia, 25min Zuzendaria: Pierre Cadot ESTATU MAILAKO ESTREINALDIA Peterrek eta Anatik Le Moulin des Artistes zuzentzen dute Chamonix haraneko XVI. mendeko errota batean: eski-tailerra, arte-gunea eta ideologia antzekoa duten espiritu askeko lagunen topagunea. Le Moulin des Artistes-ek bizitza sormenari eskaintzen zaionean gerta litekeena erakusten digu, izan Peterrek eskuz egindako egurrezko eskiekin, izan Anatiren pinturekin nahiz musikarekin. Sormen espresioak helburu berriak bideratzen lagun dezake, komunitate iraunkor bat eraikitzeko balio dezake, eta hondamendiak gainditzeko kemena ere eman dezake. TREELUDE 2025, Italia, 17min Zuzendaria: Marco Zingaretti ESTATU MAILAKO ESTREINALDIA Lukas Schäfer, ia egun osoa mendian ematen duen naturako argazkilaria da. Constantino Mazzoccoli basoan zehar gidatzeko enkargua jasoko du, hiri-ingurune batean jaio eta hazitako soinu-ingeniaria. Esperientziarik ez duen arren, Constantinoren lilura egunetik egunera hazten doa, eta horrek Lukasi natura ikuspegi berri batetik begiratzen lagunduko dio. TRANGO 2024, EEBB, 45min Zuzendaria: Leo Hoorn ESTATU MAILAKO ESTREINALDIA Bi urtez saiatu ostean, Christina "Lusti" Lustenberger eta Jim Morrison mendi eskiatzaileek, Nick McNutt eta Chantel Astorgarekin batera, Trango Glaziar Handiaren lehen eski jaitsiera burutu zuten. Arriskuak han eta hemen, oinazea, eta muturreko erronka fisikoa, giza esperientziaren mugak desafiatzeraino. 6.000 metrora, etengabeko esposizioak eta determinazioak talka egiten dutenean, espedizio-taldearen konfiantza eta laguntza irmoa dira elkarrekin aurrera egiteko giltza.
19:10	See What I Saw: Karakoram (15min) Euskalduna Jauregia SEE WHAT I SAW: KARAKORAM 2024, Pakistan / Herbehereak, 16min Zuzendaria: Boris Peters ESTATU MAILAKO ESTREINALDIA Filmak naturaren neurrigabeko edertasunaren eta giza zaurgarritasunaren arteko kontraste nabarmena erakusten du. Karakorum mendilerroko glaziar batean burututako 18 eguneko espedizioa da oinarria, bidai gogorra, bai fisikoki eta baita mentalki ere. Boris Peters zuzendariak bi perspektiba jartzen ditu bata bestearen ondoan, kontrasteak sortuz, eta paisaiak erakusten duen gainkarga sentsoriala indartuz.
19:45	Euskalduna Bilbao 7 dic 19:45 CLIMBING FOR LIFE Euskalduna Jauregia CLIMBING FOR LIFE 2025, Japonia, 130min Zuzendaria: Junji Sakamoto Junko Tabei Everest igo zuen lehen emakumea izan zen, 1975ean. Lorpen hark mundua liluratu zuen eta Junko Tabeiren izenak distira handia hartu zuen. Baina, aldi berean, itzal sakon bat ere sortu zen gertuko zituen lagun eta senideengan. Gaixotasun terminal batekin diagnostikatuta, Junko Tabeik mendira joaten jarraitu zuen bere azken urteetan, eta familia, lagunak eta ingurukoak irribarre batekin gonbidatzen zituen bere mundura. Mendizale, ama, emazte, gizaki... Zena zela ere, gailurretik harago zer ikusi ote zuen Junko Tabeik?