Egitaraua

MENDIKO FILMEN MUSIKA

Itsasmuseum

PAULA OLAZ / JOAQUÍN GÓMEZ

Astelehena abenduak 6 – 11:00 Itsasmuseum

Sarrera doan web bidez izen-emanda. Aforoa bete arte.

Zine-zaleak, modu batera edo bestera, hunkitu egiten dira filma baten soinu banda entzutean. Bada garaia lan horri berea emateko, konposatzaileak filmagintza taldeko sokakide bat gehiago bezala hartzeko, eta taldea gailurreraino iritsi dadin ematen duten laguntza aitortzeko. Fikziozko filmetarako hainbat lan ditu eskarmentu Paula Olazek, alor publizitarioan gehiago aritua da Joaquín Gómez eta film laburretara bideratu izan du naturarekiko duen miresmena eta konposatzaile gisa duen artea. Musikak mendiko zinemagintzari egiten dizkion ekarpenak izango dituzte mintzagai.

 

ATXARTEKO LAGUNAK

Itsasmuseum

ARANTZA SAEZ DE LAFUENTE

Asteartea abenduak 7 – 11:00 Itsasmuseum

Sarrera doan web bidez izen-emanda. Aforoa bete arte.

Arantzazu Saez de la Fuente esperimentazio plastiko etengabean ari da lanean, eta naturaren tratamendua da bere indar-guneetako bat. Bere proiektu guztiek oinarri fotografikoa dute, eta Atxarteko honek ere halaxe du. Haitzarte hartara joatean, kontrajarritako oroitzapenak azaleratuko zaizkio, harrobiak sortutako joan-etorriena batetik, eta inguruko hormetan eskalada egitera joaten zirenena bestetik. Eta denbora igaro bada ere, ospatu egiten du eskalatzaileek eta mendizaleek mendiarekin duten hitzordura joaten jarraitzea. Bere proiektu guztiak argazkilaritzaren giran dabiltza, Itsasmuseumen bertan dagoen 'Atxarte' erakusketa hau bezala.

REGILDARRAK

Pangea The Travel Store

SAGA REGIL + EMMOA

Asteartea abenduak 7 – 18:30 Pangea The Travel Store

Sarrera doan web bidez izen-emanda. Aforoa bete arte.

Bizkaiko mendizaletasunean Regil izena, izen bat baino gehiago, dinastia bat da. Familiako lau anai, Andrés, Ángel, José Mari eta Toñin, aitzindariak izan dira mendiko eskian eta eskaladan, baita Europako Mendietan haien izena daraman mendi eskiko zeharkaldiaren sustatzaileak ere. Haietako batzuk oraindik jardunean daude, eta eskiak eta alpinismoak joan den mendearen bigarren erdian Bizkaian izan zuten bilakaerari buruzko ikuspegi pribilegiatua eskain diezaiekete egungo belaunaldiei.

EVEREST 1924, EL ENIGMA DE IRVINE Y MALLORY

Euskalduna Jauregia

SEBASTIÁN ÁLVARO LOMBA

Asteartea abenduak 7 – 20:00 Euskalduna

George Mallory eta Andrew Irvine izan ote ziren munduko gailurrik altuenera iritsi ziren lehen gizakiak? 1924an Everest eskalatzen lehenak izateko saiakeran desagertu zirenetik, galdera hau airean dabil mendi munduan, eta gaur egun oraindik ere alpinismoaren misterio handienetako bat da. Sebastian Álvarok urrats bat aurrera eman du erantzuna aurkitzeko ahaleginean. Alpinismoaren hastapenetako ibilbide historiko batean murgiltzen gaitu, esplorazioen Aro Handiaren amaiera markatu zuen ikuspegi erromantiko batetik.

TIRICH MIR 1976. Gaztetako ametsak

Pangea The Travel Store

EXPEDICIONARIOS TIRICH MIR + EMMOA

Azteazkena abenduak 8 – 12:00 Pangea The Travel Store

Sarrera doan web bidez izen-emanda. Aforoa bete arte.

1976ko udaberrian, bederatzi gazte bizkaitarrek osatutako talde bat abentura handi batean murgildu zen: bi furgonetatan nola edo hala moldatu eta milaka kilometro egin zituzten Europan eta Asian zehar. Tirich Mir Mendebaldea zuten helmuga, 7338 metroko mendia, Pakistango Hindu Kush mendigunean kokatua. 45 urte igaro ondoren, protagonistetako batzuek espedizio haren gorabehera guztiak gogoraraziko dizkigute argazki eta testigantzen bidez.

MENDIKO FILMEN GEO-ESENTZIA

Sala BBK

EÑAUT IZAGIRRE + IBAI RICO + CECILIA BUIL

Asteazkena abenduak 8 – 18:00 Sala BBK

Askotariko protagonistak daude mendiko filmetan: gailurrak, paretak, errekak, pertsonak... Baina badira beti foku horietatik ezkutuan gelditzen diren izenik gabeko izanak, paisaiaren zergatia azaltzen dutenak. Cecilia Builek (alpinista eta eskalatzailea) eta Ibai Ricok  (EHUko Geografia irakaslea eta ikertzailea, mendi-gidaria eta eskalatzailea), mendia eta natura ikusteko, ulertzeko eta bizitzeko bestelako modu bat proposatuko digute Eñaut Izagirrek (geografoa eta glaziologoa) bideratutako solasaldi honetan.

MENDIZALETASUNEAN IRUZURRA DETEKTATZEKO TRESNAK

Sala BBK

RODOLPHE POPIER

Osteguna abenduak 9 – 18:00 Sala BBK

Rodolphe Popierrek bere azterketak eta metodoak azaltzen ditu ezinezkoak diren igoerak seinalatzeko, eta, aldi berean, engainua elikatzen duten motorrei buruz hausnartzen du. Horri loturik, zorroztasun handiagoa eskatzen du puntako alpinisten erregistroak baliozkotzat jotzeko orduan.