45 pelikulek parte hartuko dute aurten abenduaren 5etik 14ra egingo den BBK Mendi Film Bilbao Bizkaia zinemaldiko Sail Ofizialean. Mendia, abentura, muturreko kirolak eta natura gaiak jorratzen dituzten pelikulak dira, guztiak produkzio berriak, gehienera jota 2 urte baino ez dituztenak.
226 pelikula inskribatu dira Mendi Filmen 18. ediziora, propio Bilbon parte hartzeko hautagaitza zuzena aurkeztuz. Iazko kopuru bera da, Mendi Filmen langa historikoa berdinduz.
Sail Ofizialeko pelikulez gain, beste 9 pelikula ere programatuko dira, Zabalandi sailean, lehiaz kanpo, beraz, guztira 54 pelikulez osatutako zinemaldi oparoa izango da aurtengoa.
Mendi Filmen Kontinente guztietako filmak proiektatuko dira, Europa, Ipar eta Hego Amerika, Asia, Afrika eta Ozeaniako ekoizpenak daude. Mendi Film nazioarteko jaialdi erreferentea dela berretsi da.
Espainia da pelikula gehien dituena, 16rekin. Ekoizpen frantsesak dira hurrenak, 12rekin, eta Erresuma Batua, Austria, Alemania, Suitza, Italia, Eslovenia eta Belgikako pelikulak gehituz, Europako mendi zinemagintza da jatorrietan ordezkatuena, guztira 44 pelikulen ekoizpenetan parte hartuz.
Jatorri amerikarra dutenen artean, Estatu Batuetako 8 ekoizpen daude, Kanadako 2, eta Argentinako eta Brasilgo bana. Ohikoak ez diren lurraldeetako ekoizpenak ere badaude, Mendi Film jaialdi anitza izango da: Pakistan (2), Afganistan, Liberia, Sierra Leona, Japonia eta Zeelanda Berria ere ageri dira ekoizpen jatorrietan.
14 euskal zuzendari eta nazioarteko puntako zinegileak
Zuzendarien artean, halaber, euskaldunak dira ordezkatuenak: 14 euskal zuzendariren lanak estreinatuko dira. Mendi Filmen jada eskarmentua baduten Jesus Mari Lazkano, Jon Herranz, Luis Arrieta, Julen Elorza, Ruben Crespo eta Alfonso Garcíak bere lan berriak aurkeztuko dituzte. Egile berrien artean, Mikel Urdangarin kantariaren eta Haizea Huegun konpositorearen zinegile debutak publikoa harrituko du. Zerrendan gehituko diren izen berriek euskal mendi zinemagintzaren uzta bikaina ekarriko dute: Ibon Gaztañazpi, Nagore Eceiza, Imanol Lamana, Unai Jaureguibeitia, Jon Mendizabal eta Gorka Ipiñazar estreinako aldiz arituko dira beren lanak aurkezten Mendi Filmen.
Haiez batera, mendi zinemagintzako nazioarteko zuzendari puntakoak ageri dira hautatuen zerrendan: Ben Sturgulewski, Bertrand Delapierre, Lapied familia, Yannick Boissenot, Ben Knight, Iara Lee, Jochem Schmoll, Marco Zingaretti, Javier Álvaro Palomares…
Junji Sakamoto fikziozko zine zuzendari japoniar ezagun eta emankorrak bere azken lana aurkeztuko du, Junko Tabeiri buruzko ‘Climbing for Life’, Donostiako Zinemaldiko sail Ofizialean parte hartu duena. Goya sariduna den Rodolfo Montero zuzendariaren ‘Javier y la Montaña’ ere Sail Ofizialean izango da.
Aurtengo IAMF Sari Nagusia jaso duen Seb Montaz-ek ere izango du bere aitortza. Davina Beyloos eta biek sinatutako ‘Out of the Blue’ pelikula liluragarria (Epaimahaiaren Aipamen Berezia Mendi Film 2020) berriro ikusi ahal izango da Mendi Filmen.
Sail Ofiziala
2000 JOURS AU PARADIS | Frantzia | Véronique, Anne eta Erik Lapied
ALONE ACROSS GOLA | Erresuma Batua – Sierra Leona – Liberia | Jude Kriwald
BEST DAY EVER | EEBB | Ben Knight eta Berne Borudy
BILLY | Argentina | Pablo Schiel
B.I.G. – 9C A WORLD FIRST | Austria | Johannes Mair
CANTOS Y FLORES | EEBB | Julen Elorza
CHAMPIONS OF THE GOLDEN VALLEY | Afghanistan – Alemania – EEBB | Ben Sturgulewski
CLIMBING FOR LIFE | Japonia | Junji Sakamoto
DEAR SUPERHERO | Zeelanda Berria | Corinna Halloran
EPHEMERAL | EEBB | Josiah Jones
ERRIO | Espainia | Ibon Gaztañazpi
ETERNAL SOLO | Italia – Pakistan | Andrea Cossu
GIRL CLIMBER | Austria – EEBB | Jonathan Glassberg
IN COLD BLOOD | Frantzia | Alex Heitler
INTO ALTAI | Frantzia | Yannick Boissenot
ITSASORA | Espainia | Mikel Urdangarin
IZARREN ZAUNKA | Espainia | Nagore Eceiza Mujika
JAVIER Y LA MONTAÑA | Espainia | Rodolfo Montero de Palacio eta Mario de Benito
K2 MON AMOUR | Frantzia | Mathieu Rivoire
L’ESCALADE DU FUTUR | Frantzia | Pascal Barneville
LE MOULIN DES ARTISTES | Frantzia | Pierre Cadot
MARÉE NOIRE | Kanada | Chantal Caron
MON PRINTEMPS AU MONT BLANC | Frantzia | Bertrand Delapierre
MONT BLANC ETERNEL | Frantzia – Italia | Bertrand Delapierre
NATURA FUGIT | Espainia | Jesus Mari Lazkano
ODYSSEA BOREALIS – L’IGNOTO ESISTE ANCORA | Italia | Alessandro Beltrame
OIARZÁBAL. ENTRE JUAN Y JUANITO. | Espainia | Javier Álvaro Palomares
OLD MAN LIGHTNING | EEBB | Dawn Kish
PASTRANA | Brasil | Gabriel Motta eta Melissa Brogni
RETRO | Erresuma Batua | Brian Hall
SEE THOSE FLOWERS? | Frantzia | Julien Caldarone
SEE WHAT I SAW: KARAKORAM | Pakistan – Herbehereak | Boris Peters
SIMMERING | Italia | Giulia Bertolazzi
STREAMERS, STEAMERS & STRUGGLES ON THE KRKA | Eslovenia | Rozle Bregar eta Rok Rozman
SUSTRAIAK, RAÍCES PERDIDAS | Espainia | Luis Arrieta Etxeberria
TALA | Espainia | Joel Badia Vila
TALKING TRANSITION | Austria | Marco Tribelhorn
THE FAST LINE | Suitza | Jochen Schmoll
THE ROAD WE NEVER RODE | Espainia | Imanol Lamana
THE SAMI SONG OF SURVIVAL | EEBB | Iara Lee
TRANGO | EEBB | Leo Hoorn
TRAS LA HUELLA NORUEGA | Espainia | Unai Jaureguibeitia Arias
TREELUDE | Italia | Marco Zingaretti
UN DÍA AL AÑO | Espainia | Alfonso García
WILD AERIAL | Kanada | Trixie Pacis
Zabalandi
ALDABIDE | Espainia | Jon Mendizabal
AXIE AND THE WUNDER DACHSIES | Herbehereak | Lisette Wansink
BÁTISSEURS DE RÉVES ATHOMIQUES | Frantzia | Antoine Le Menestrel
BHAGIRATHI III | Espainia | Rubén Pérez Blázquez
HARRI, ORRI, ARKATZ | Espainia | Jon Herranz
QUÉ LI PASSA AL CEL? | Espainia | Irene Iborra
SINKRONIA| Espainia | Gorka Ipiñazar eta Haizea Huegun
TÊTE EN L’AIR | Belgika – Frantzia | Rémi Durin
OUT OF THE BLUE | Frantzia | Davina Beyloos Montaz-Rosset eta Sébastien Montaz-Rosset
