Hautatu hizkuntza
MF 2025
Euskalduna Bilbao 5 dic 19:30 ITSASORA
ITSASORA
2025, Espainia, 77min
Zuzendaria: Mikel Urdangarin
NAZIOARTEKO ESTREINALDIA
Mikel Urdangarin musikariak bere belaontzi zaharberritua Galiziatik Euskal Herrira ekartzeko laguntza eskatu dio Unai Basurkori -munduari itzulia belaontzian eta bakarka osatu zuen itsas-gizona-. Itsas zeharkaldiaz batera, musikariaren barne bidaia ere martxan jarriko da. Olatuak harkaitzen kontra nola, talka gogorra gertatuko da antzinako bi munduren artean. Lehorretik itsas zabalera. Bi bizimodu aurrez aurre. Itsas bizitzak lehorrekoari erantzuten dio, baina lehorrean bertan ere bada kontrapunturik. Dokumentalean agertzen diren sortzaileen testigantzak dira horren erakusle: lehorreko itsaso dira.
| Noiz da | 05-12-2025 19:30 |
| Noizarte | 05-12-2025 21:15 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 6 dic 12:00 MONT BLANC ÉTERNEL?, Mendi Talk EDURNE PASABAN
MONT BLANC ÉTERNEL?
2025, Frantzia, Italia, 50min
Zuzendaria: Bertrand Delapierre
EUSKADI MAILAKO ESTREINALDIA
Mario Colonel, duela 42 urtetik Chamonixen bizi den argazkilari eta alpinista profesionala, kazetaria eta liburu ugariren egilea, bere azken argazki kanpainan murgilduko da. Mont Blanc mendiguneko txoko ederrenak ezagutzen ditu, eta haiei eragiten dien klima-aldaketagatik kezkatuta, goi-mendiko bidaia bat proposatuko digu. Bidean pertsonaia ugari ezagutuko ditu, besteak beste, mendi-gidari zahar bat, filosofo bat, alpinistak, ingurumen-aktibistak, margolari bat, soziologo bat eta basozain bat. Haiekin, gertatzear dauden aldaketei buruz hitz egiten du, itxaropenerako tartea gordez.
EDURNE PASABAN
RAMÓN OLASAGASTI, CÉSAR LLAGUNO, FELIPE H. NAVARRO Y PEDRO VILLAREJO
Larunbata abenduak 6 – 12:00 Euskalduna Bilbao
Zortzi mila metrotik gorako hamalau mendiak igo zituen munduko lehen emakumea izan zen. Izena eta izana, historiaren sokan betiko lotuta. Mendi handi haietan elur betierekoa harkaitzari itsasten zaion moduan. Izan zitekeen Irati, edo Amaia, baina Edurne da: elurra, euskaraz. Izena duenak izana du, dio esaerak, bai, baina komiki hau ez da mito bat sortzeko ahalegina. Edurne ez da mitoaroko izakia: 14 aldare gurtu haietara igotzeko gai dena izan liteke hauskorra ere, goi-mendiko malkarretan soilik hazten den elur lorea nola. Depresioaren hondorik sakonenetik ateratzeko, zortzimilakoa ez, bere bizitzako bederatzi milako zailena igo behar izan zuen Edurnek, eta bide horretan hainbat lagun izan zituen sokaren beste aldean, Asier Izagirre gaztetako sokakidea eta beste asko.
Aberatsa da elurraren inguruko hiztegia, eta izan liteke egokia Edurneren ibilbidea laburtzeko ere: pasio bat mamitzen hasten deneko elur lapatxa, hainbat zorigaitzen ondorioz jausitako elur malkoak, elur zuloan erori zenekoa, zoko ospel hartan bizitako sentimendu mingotsak lurmentzea... Edurnek bide bat urratu du, baina bere aurretik ere izan dira aztarna zabaldu dutenak: Pili Ganuza, Amaia Aranzabal, Miriam Garcia Pascual eta beste hainbat, eta haien ibilia ere jasotzen da orriotan, elur gainean txori hanka arinek utzitako arrasto sail ederra bezalaxe.
Mendi Film & Sua Edizioak komiki bilduma:
• Everest: 1980ko Euskal espedizioa - Herri oso bat gailurrean (2018)
• Iñurrategi Anaiak: Mendiari bihotz emanak (2020)
• Andres Espinosa: bakarrik eta libre (2022)
• Edurne Pasaban (2025)
| Noiz da | 06-12-2025 12:00 |
| Noizarte | 06-12-2025 13:45 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 6 dic 17:00 PASTRANA, IN COLD BLOOD, B.I.G. - A WORLD FIRST
PASTRANA
2024, Brasil, 15min
Zuzendaria: Gabriel Motta, Melissa Brogni
ESTATU MAILAKO ESTREINALDIA
Jaitsieretako skate-patinatzailea da Melissa. Haren lagun Pastranaren omenez, bideo bat editatuko du oroitzapenak, irudiak eta elkarrizketak berriro biziz, eta haren lagunen eta senideen bitartez iragana berreskuratuko du. Pastranaren une oroko presentziak isiltasuna betetzen eta denboraren ulermen sakonago bat barneratzen lagunduko dio.
IN COLD BLOOD
2025, Frantzia, 35min
Zuzendaria: Alex Heitler
ESTATU MAILAKO ESTREINALDIA
Mendiko film intimoa, Victor de le Rue-ren barne-ahotsaren bidez kontatua, beldurraren eta obsesioaren artean kateatuta dagoen snowboarder eta abenturazalea. Muturreko freeride lehiaketen eta mendiko abentura basatien jokoan iaioa da, bai, baina oreka bilatu nahi du adrenalinaren eta familiaren artean, anbizioaren eta bakearen artean. Hau gizon batek mendiekin duen solasaldi zintzoa da, elkarrizketa eta harrokeriarik gabea. Azken finean, kontua ez da ibilbide onenarekin asmatzea, guztiz bizirik sentitzea baizik.
B.I.G. - A WORLD FIRST
2025, Austria, 54min
Zuzendaria: Johannes Mair
ESTATU MAILAKO ESTREINALDIA
2023ko irailaren 20an, Jakob Schubertek arrasto berria ezarri zuen eskaladan, Norvegiako Flatanger-en B.I.G. lehen aldiz kateatuta, aurretik Project Big izenez ezagutzen zen lerroa. Adam Ondrak hamarkada bat aurrerago hornitu zuen bide hori, eta munduko zailenetako bat izatea aitortzen zaio. 2022an, biek, Schubertek eta Ondrak, indarrak batu eta bidea kateatzeko eginahala egin zuten, lortu gabe. Tematuta, Schubert hurrengo urtean itzuli zen filmazio talde batekin batera, eta arrakasta bideratu zuten saiakerak zuzenean eman zituzten streaming bidez.
| Noiz da | 06-12-2025 17:00 |
| Noizarte | 06-12-2025 18:45 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Gala Inauguración Euskalduna Bilbao 6 dic 19:45
OIARZÁBAL. ENTRE JUAN Y JUANITO
2025, Espainia, 110min
Zuzendaria: Javier Álvaro Palomares
NAZIOARTEKO ESTREINALDIA
Juanito Oiarzabalek ez du aurkezpenik behar. 14 zortzimilakoak oxigeno artifizialik gabe igotzen hirugarrena izan zen, eta 14ei "bigarren buelta” emateko erronka bere eginda, guztira 26 zortzimilako igo ditu. Azken bi hamarkadetan, berriz, maiz ikusi dugu telebistako hainbat saiotan. Baina, benetako Juanito ezagutzen al dugu?
| Noiz da | 06-12-2025 19:45 |
| Noizarte | 06-12-2025 21:30 |
| Individual Price | 9,5€ + Kudeaketa gastuak / 12€ leihatilan |
| Non | Euskalduna Jauregia |
Euskalduna Bilbao 7 dic 12:00 SINKRONIA, THE FAST LINE, BEST DAY EVER
SINKRONIA
2025, Espainia, 29min
Zuzendaria: Gorka Ipiñazar, Haizea Huegun
ESTATU MAILAKO ESTREINALDIA
Naturak eragin sakona du Gotzon Huegun eskultorearen sorkuntza-prozesuan. Bere begirada artistikoaren bidez, arteari buruzko gogoetak eta gizakien eta ingurune naturalaren arteko harremanaren pertzepzioa partekatzen ditu. Prozesuan, Gotzonen ibilbide eta garapen artistikoari buruz duen ikuspegia agertuko du bere alaba Haizeak, lankide ere badenak. Sorkuntza artistikoa inguruko munduarekiko sinkronia-ekintza bihurtzen da, eta bidaia horretan murgiltzeko gonbitea da hau.
THE FAST LINE
2025, Suitza, 30min
Zuzendaria: Jochen Schmoll
EUSKADI MAILAKO ESTREINALDIA
Abiadura errekor berria Alpeetako Eiger, Mönch eta Jungfrau ipar hormetan, Nicolas Hojac suitzarraren eta Philipp Brugger austriarraren eskutik. Aurreko igoera errekorra Ueli Steckek eta Stephan Siegristek ezarri zuten 2004an. 2025eko apirilaren 5ean hobetu zuten Hojac eta Bruggerrek, ilunpetan eskalatuz, pauso zailak menderatuz, erlojuaren kontra lehiatuz eta Jungfrau gailurrera erronka hasi eta 15 ordu eta 30 minutura helduz, aurreko errekorra baino ia 10 ordu azkarrago.
BEST DAY EVER
2025, EEBB, 47min
Zuzendaria: Ben Knight y Berne Broudy
ESTATU MAILAKO ESTREINALDIA
Greg Durso eta Allie Bianchi mendiko txirrindulari egokituek Vermonteko (Ameriketako Estatu Batuak) txirrindulari komunitatearen babes, laguntasun eta grinak hauspotuta egiten diete aurre beren ezintasunetatik eratorritako oztopoei. Desgaitasunari aurre egiteaz batera, ahaldundu egiten dira, umorez, jarreraz eta determinazio handiz. Mendiko bidezidorrak ezintasunengatiko diskriminazioari aurre egiteko lasterbideak dira haientzat. Horrela, komunitatea sendotzen dute, beste edozein tokitako txirrindularientzat eredu dira.
| Noiz da | 07-12-2025 12:00 |
| Noizarte | 07-12-2025 13:45 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 7 dic 17:00 SIMMERING, LE MOULIN DES ARTISTES, TREELUDE, TRANGO
SIMMERING
2025, Italia, 15min
Zuzendaria: Giulia Bertolazzi
ESTATU MAILAKO ESTREINALDIA
Munduko ultra-maratoi muturrekoenetakoa den Marathon des Sables-en parte hartzea da lau lagunen erronka: 250 km-ko lasterketa da, Saharako basamortuan egiten dena, autosufizientzian. Baina honako hau ez da kirol dokumental huts bat. Gizakiak muturreko baldintzetan dituen zaurgarritasuna, erresistentzia ahalmena, eta intimitatea agerian jartzen dituen bidaia mental eta sentsoriala ere bada.
LE MOULIN DES ARTISTES
2025, Frantzia, 25min
Zuzendaria: Pierre Cadot
ESTATU MAILAKO ESTREINALDIA
Peterrek eta Anatik Le Moulin des Artistes zuzentzen dute Chamonix haraneko XVI. mendeko errota batean: eski-tailerra, arte-gunea eta ideologia antzekoa duten espiritu askeko lagunen topagunea. Le Moulin des Artistes-ek bizitza sormenari eskaintzen zaionean gerta litekeena erakusten digu, izan Peterrek eskuz egindako egurrezko eskiekin, izan Anatiren pinturekin nahiz musikarekin. Sormen espresioak helburu berriak bideratzen lagun dezake, komunitate iraunkor bat eraikitzeko balio dezake, eta hondamendiak gainditzeko kemena ere eman dezake.
TREELUDE
2025, Italia, 17min
Zuzendaria: Marco Zingaretti
ESTATU MAILAKO ESTREINALDIA
Lukas Schäfer, ia egun osoa mendian ematen duen naturako argazkilaria da. Constantino Mazzoccoli basoan zehar gidatzeko enkargua jasoko du, hiri-ingurune batean jaio eta hazitako soinu-ingeniaria. Esperientziarik ez duen arren, Constantinoren lilura egunetik egunera hazten doa, eta horrek Lukasi natura ikuspegi berri batetik begiratzen lagunduko dio.
TRANGO
2024, EEBB, 45min
Zuzendaria: Leo Hoorn
ESTATU MAILAKO ESTREINALDIA
Bi urtez saiatu ostean, Christina "Lusti" Lustenberger eta Jim Morrison mendi eskiatzaileek, Nick McNutt eta Chantel Astorgarekin batera, Trango Glaziar Handiaren lehen eski jaitsiera burutu zuten. Arriskuak han eta hemen, oinazea, eta muturreko erronka fisikoa, giza esperientziaren mugak desafiatzeraino. 6.000 metrora, etengabeko esposizioak eta determinazioak talka egiten dutenean, espedizio-taldearen konfiantza eta laguntza irmoa dira elkarrekin aurrera egiteko giltza.
| Noiz da | 07-12-2025 17:00 |
| Noizarte | 07-12-2025 18:45 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 7 dic 19:45 CLIMBING FOR LIFE
CLIMBING FOR LIFE
2025, Japonia, 130min
Zuzendaria: Junji Sakamoto
Junko Tabei Everest igo zuen lehen emakumea izan zen, 1975ean. Lorpen hark mundua liluratu zuen eta Junko Tabeiren izenak distira handia hartu zuen. Baina, aldi berean, itzal sakon bat ere sortu zen gertuko zituen lagun eta senideengan. Gaixotasun terminal batekin diagnostikatuta, Junko Tabeik mendira joaten jarraitu zuen bere azken urteetan, eta familia, lagunak eta ingurukoak irribarre batekin gonbidatzen zituen bere mundura. Mendizale, ama, emazte, gizaki... Zena zela ere, gailurretik harago zer ikusi ote zuen Junko Tabeik?
| Noiz da | 07-12-2025 19:45 |
| Noizarte | 07-12-2025 21:30 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 8 dic 12:00 ALDABIDE, ALONE ACROSS GOLA, OUT OF THE BLUE, ETERNAL SOLO
ALDABIDE
2025, Espainia, 12min
Zuzendaria: Jon Mendizabal Roa
NAZIOARTEKO ESTREINALDIA
Oskar Etxebarria (ADES) eta Carlos Arranz (Takomano) espeleologoak Itxina mendigunearen barrunbeetan murgilduko dira, Gorbeiako bihotzean. Lurrazpian ezkutaturiko mundu bat da, barrutik hutsa, eta sarbidea ur putzu estu batean duena. Zerk erakartzen ditu haitzuloetako urpekari hauek bertara? Haien grina, obsesioa eta naturarekiko duten sentimendu sakona ezagutuko ditugu.
ALONE ACROSS GOLA
2024, Erresuma Batua, Sierra Leona, Liberia, 20min
Zuzendaria: Jude Kriwald
ESTATU MAILAKO ESTREINALDIA
Jude Kriwald britainiarrak Golako oihan tropikal trinkoan zehar, Liberian, bizikletaz egindako bidaia aparta, esploratu gabeko paisaia batean barrena. 53 kg-ko zama zeraman bizikletaz oztopo ugari gainditu behar izan zituen: jausitako zuhaitzak, zubi gabe geratutako arroilak, eta bizi-arriskuko uneak. Non daude erresistentziaren, auto-aski izatearen eta giza espirituaren mugak? Judek maiz galdetu zion bere buruari ea "benetan posible al zen ibilbide hura osatzea”.
OUT OF THE BLUE
2020, Frantzia, 43min
Zuzendaria: Davina Beyloos Montaz-Rosset & Sébastien Montaz-Rosset
Pertsonaia misteriotsu batek kaleko artistak eta mendizaleak errekrutatzen ditu Suitzako Oberlandeko mendi gailurretan proiektu liluragarri bat gauzatzeko. Maja eta Sebastian dira horietako bi, Bernako akrobata gazte talentudunak. Highline, akroyoga, spacenet, aireko oihal bertikalak, parapentea, wingsuit hegaldiak… Era guztietako osagaiak biltzen dituen odisea bertikal harrigarri horretan murgildu edo ez erabaki behar dute.
ETERNAL SOLO
2025, Italia, Pakistan, 31min
Zuzendaria: Andrea Cossu
ESTATU MAILAKO ESTREINALDIA
Stefano Ragazzo ez zen mendian jaio, baina harekiko pasioa tximista bat bezala piztu zitzaion, eta eskaladaren eskutik lautada atzean utzi zuen. Dolomitetako tradizioak inspiratuta, bakarkako eskaladak liluratu zuen, bere mugak gainditzeko modu bat. Erronka? Eternal Flame bidea, Pakistango Karakorum mendilerroaren bihotzean dagoen harkaitz-horma mitikoa. Pasioa, ausardia eta mendiekiko maitasuna uztartuz bidaia zirraragarria alpinismoaren mundura, muturreko abentura batean.
| Noiz da | 08-12-2025 12:00 |
| Noizarte | 08-12-2025 13:45 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 8 dic 16:00 JAVIER Y LA MONTAÑA
JAVIER Y LA MONTAÑA
2024, Espainia, 78min
Zuzendaria: Rodolfo Montero de Palacio / Mario de Benito
Javier López Pagazaurtundua garun-paralisia eta beste desgaitasun batzuk dituzten pertsonei ikusgaitasuna ematearen alde lan egiten duen pertsona da. Urbegi Fundazioaren ‘Lo Imposible’ saria irabazita, amets pertsonal bat betetzeko aukera eman zitzaion, eta Everesteko Kanpaleku Nagusiraino oinez igotzeko erronka hautatu zuen. Bide nekeza, gozatutakoa eta sufritutakoa parte berean, eta bizitza osoan amestutako azken sari bat: munduko mendi garaienak bertatik bertara sentitzea, eta horien bidez Garun Paralisia pairatzen dutenei ikusgarritasuna ematea.
| Noiz da | 08-12-2025 16:00 |
| Noizarte | 08-12-2025 17:45 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 8 dic 17:00 MARÉE NOIRE, BÂTISSEURS DE RÊVES ATHOMIQUES !, EPHEMERAL
MARÉE NOIRE
2024, Kanada, 11min
Zuzendaria: Chantal Caron
ESTATU MAILAKO ESTREINALDIA
Lurreko espezieen deiadarra, elementuen aurrean biziraun beharrak asaldatuta. Azken arnasa, Lurrak zapalduak izan baino lehen, edo, agian, alderantziz, biziari eusten dioten haize eta mareen aurkako borroka bat, iraungitzera iritsi aurretik.
BÂTISSEURS DE RÊVES ATHOMIQUES !
2024, Frantzia, 45min
Zuzendaria: Antoine Le Menestrel
ESTATU MAILAKO ESTREINALDIA
Antoine Le Ménestrel buru duten ATHOM-eko eskalatzaile-dantzarien abentura, diziplina eta jatorrien gaindi dagoen proiektu poetiko eta anaiarteko batean dantza eta eskalada uztartuz. Kultur Olinpiada proiektuari buruzko dokumentala, Paris 2024ko eta Frantziako Kultura Ministerioaren "inspirazioa, sorkuntza eta desgaitasuna" deialdiaren irabazlea.
EPHEMERAL
2024, EEBB, 32min
Zuzendaria: Josiah Jones
EUSKADI MAILAKO ESTREINALDIA
Izotz-eskaladako denboraldia urtetik urtera laburtzen ari dela jabetuta, izotzean eta mixtoan eskalatzen aditua den Jeff Mercierrek, Islandiako paisaia glazial itzeletara jotzea erabakiko du. Etengabe aldatzen ari den ingurunean eta kontu handiz ibili beharreko eremuan murgilduz, Jeffek bere mugak bezala, izotz eskaladarenak ere urratu nahi ditu.
| Noiz da | 08-12-2025 17:00 |
| Noizarte | 08-12-2025 18:45 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 8 dic 19:45 WILD AERIAL, NATURA FUGIT, OLD MAN LIGHTNING
WILD AERIAL
2024, Kanada, 16min
Zuzendaria: Trixie Pacis
ESTATU MAILAKO ESTREINALDIA
Film honetan Sasha Galitzki aireko akrobata paisaia izoztu bakartuetan agertuko du, muturreko hotza eta altuera zorabiagarria gaindituz, aire zabalean inoiz egin duen errutina handinahiena dokumentatzeko. Etengabe aldatzen ari diren gure paisaien edertasunarekiko eta hauskortasunarekiko arreta eskatzen du.
NATURA FUGIT
2025, Espainia, 22min
Zuzendaria: Jesus Mari Lazkano
Mer de Glaceko paisaia, Mont Blanc mendigunean, denboraren joanean eraldatzen ari da. Gure egungo ikuspegitik ulertzen zaila den "tempo geologiko" bat dago, degradazio progresiboa erakusten duena, eta gu horren parte aktiboa gara. Europan gehien aztertu, margotu eta izendatu den glaziarra da Mer de Glace, hala egin dute Friedrich, Ruskin, Turner edota Violet le Duc bezalako artistek, eta ildo horretan, Jesus Mari Lazkanoren milaka marrazki originalekin islatzen ditu film labur honek izotzaren hazkunde aroen nahiz desagerpen aroen garapena paisaiaren arnasaldiak bailiran. Amaitzeko, paisaia horren behin betiko hondamendia eta bizitzaren kolapsoa islatuko dira.
OLD MAN LIGHTNING
2025, EEBB, 60min
Zuzendaria: Dawn Kish
ESTATU MAILAKO ESTREINALDIA
John "Verm" Sherman boulderreko legendak, behinola izan zuen magia berreskuratu nahi du. Munduko bloke ospetsuena eskalatzea otuko zaio horretarako, zer hobe? Yosemiteko Midnight Lightning ikonikoa. Duela 25 urte eskalatu zuen, bai, baina ordutik hona blokea gogorragoa bihurtu da, eta Verm, berriz, bigundu egin da garagardo kupel galanta onduta eta hegazti argazkilaritzarekiko pasioari emanda. Adina (57 urte), pisua (90 kg), dozenaka lesio eta osasun-arazo ugari ditu kontra, baina marmarti bat izateaz gain, tematia eta irmoa ere bada, eta sasoian jartzeko prestakuntza zorrotz batek lagunduta, prest dago “gauerdiko tximistari” aurre egiteko.
| Noiz da | 08-12-2025 19:45 |
| Noizarte | 08-12-2025 21:30 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 9 dic 17:30 TALKING TRANSITION, TRAS LA HUELLA NORUEGA
TALKING TRANSITION
2025, Austria, 8min
Zuzendaria: Marco Tribelhorn
ESTATU MAILAKO ESTREINALDIA
Arianna Tricomi, eskiatzaile profesionala eta hirutan Free Ride Munduko Txapelduna, lehiaketak alde batera uztekotan da. Mendiarekin duen harremanaz hausnartzeak eraman du horretara, etengabe berritzen ari den harremana. Etapa aldaketa horretan murgilduta, erronka berriak esploratuko ditu Kanadan, Japonian eta Alpeetan, freeride-aren edertasunaz gozatuz.
TRAS LA HUELLA NORUEGA
2025, Espainia, 78min
Zuzendaria: Unai Jaureguibeitia Arias
NAZIOARTEKO ESTREINALDIA
1906ko udan iritsi zen Tolosara Hafdan Magnus Mustad norvegiarra, eta haren etorrerak herriko bizitza ez ezik, kirolaren historia ere aldatu zuen. Mustadek bere fabrika bertan kokatzea erabaki zuen, eta hara lanera etorritako norvegiarren ekipajean egurrezko eskiak zeuden. Isaac Lopez Mendizabal bezalako tolosarrek norvegiarrak lehen aldiz eskiatzen ikusi zituztenean, beraiek ere horren parte izan behar zutela erabaki zuten. Hala, norvegiarrak eta euskaldunak elkartuta, Espainiako lehen eski-kluba sortu zuten, Ski Club Tolosano, gaur egun arteko ibilbidea markatu duten hainbat mugarrietan lehena.
| Noiz da | 09-12-2025 17:30 |
| Noizarte | 09-12-2025 19:15 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 9 dic 19:30 RETRO, SEE THOSE FLOWERS?, THE ROAD WE NEVER RODE, MON PRINTEMPS AU MONT BLANC
RETRO
2025, Erresuma Batua, 12min
Zuzendaria: Brain Hall
ESTATU MAILAKO ESTREINALDIA
Retro ibilkeraren edo atzeraka ibiltzearen lehen aipamenak 1817koak dira, baina 1931ean hartu zuen indarra, Plennie Wingo estatubatuarrak munduari bira emateko saiakera egin zuenean era horretan. Distantzia luzeenaren errekorra hark osatutakoa da: 8.000 milia (ia 13.000 kilometro). 1976an Lindsay Dodd britainiarra Leedsetik abiatu eta Kendalera joan zen atzeraka ibiliz, egun oso bateko errekorra ezarriz: 80 milia (128 kilometro) 24 orduan. 2024an, Ben Stewart britainiarrak, Kilimanjaro atzeraka ibiliz igo eta jaitsi zuen, zortzi eguneko marka ezarriz. Kirol honek indarra hartu ahala, ikusiko ote ditugu marka eta saiakera berriak Himalaiako gailurretan?
SEE THOSE FLOWERS?
2025, Frantzia, 17min
Zuzendaria: Julien Caldarone
ESTATU MAILAKO ESTREINALDIA
eunion uhartean, Diagonale des Fous ultra-traila itxura bikainean osatuko du Martin Kern-ek, azkar eta determinazio handiz, dantzan ariko balitz bezala. Ahalegina, hori bai, muturrekoa da. Martinek bertan emozionalki bizitutakoak oinarri sendoa du entrenamendu-orduetan, bere esplorazio senean, eta liluratuta daukan ingurune horren deskubrimenduan.
THE ROAD WE NEVER RODE
2024, Espainia, 35min
Zuzendaria: Inigo Lamana
NAZIOARTEKO ESTREINALDIA
Agure batek, Zeelanda Berrian bizikletaz bidaiatuko du ametsetan. Lagun batek eta biek luzez eutsi zioten bidaia horren ilusioari, baina sekula ez zuten burutu ahal izan. Ametsean, herrialde hipnotiko bat egikaritzen da -glaziar distiratsuak, estepa amaigabeak, ibai basatiak eta mendi itzelak-, eta bidean pertsona interesgarriak ezagutu eta pasarte gogoangarriak bizituko dituzte. Filmak hainbat gai aztertzen ditu: oroimena, pasatzen utzitako aukeren zama, eta damuaren pisu emozionala. Gogoeta poetiko bat da, ametsak gauzatu egin behar direla erakutsi nahi duena, “balitz eta balego” horretan iltzatuta geratu gabe.
MON PRINTEMPS AU MONT BLANC
2025, Frantzia, 38min
Zuzendaria: Bertrand Delapierre
EUSKADI MAILAKO ESTREINALDIA
Benjamin Védrines eskiak hartuta joango da Chamonixera Udaberri osoa han egiteko, penditza pikoetako maldetan jaitsierak egiteko aproposena den sasoia baliatuz. Esperientzia eta talentua uztartzen dituen bikotea osatuko du Nicolas Jean lagunarekin, eta erronka berri bat imajinatu eta burutuko dute: Mont Blanc-eko zeharkaldi osoa 3 egunetan, puntako 11 jaitsiera eginez.
| Noiz da | 09-12-2025 19:30 |
| Noizarte | 09-12-2025 21:15 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 10 dic 17:30 BILLY, THE SAMI SONG OF SURVIVAL
BILLY
2024, Argentina, 33min
Zuzendaria: Pablo Schiel
ESTATU MAILAKO ESTREINALDIA
70 urteko gizon batek mendiko eskia egitean izaten dituen beldurrak aztertzen ditu. Heriotza, desira eta denbora ageri dira abentura horren barne-gatazketan, azkena izan daitekeen abentura.
THE SAMI SONG OF SURVIVAL
2025, EEBB, 50min
Zuzendaria: Iara Lee
EUSKADI MAILAKO ESTREINALDIA
Samien herriak, batez ere Norvegian, Suedian, Finlandian eta Errusian errotuta, zapalkuntzaren eta kolonialismoaren aurkako borrokarekin darrai, iraganean bezala, baita, gaur egun ere. Mendeetan zehar, bere kulturak eta hizkuntzak jasan duen arrazismo instituzionalizatuaren, bazterketaren eta errepresioaren aurka borrokatu da. Aitortza eta errespetua irabazi ditu, baina bere lanak ez du etenik. Samiek beren sorterrian existitzeko eta aurrera egiteko eskubidea aldarrikatzen dute baliabide artistikoen eta erresilientzia kulturalaren bidez.
| Noiz da | 10-12-2025 17:30 |
| Noizarte | 10-12-2025 19:15 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 10 dic 19:30 INTO ALTAI, 2000 JOURS AU PARADIS
INTO ALTAI
2025, Frantzia, 37min
Zuzendaria: Yannick Boissenot
EUSKADI MAILAKO ESTREINALDIA
Mongoliako Altaiko Tavan Bogd mendigunera jo dute Camille Armand, Pierre Hourticq eta Victor Daviet eskiatzaileek. Mendiak eta urrutiko lurralde ezezagunak esploratzea maite dute. Tavan Bogd edo ‘Bost Mendi Sakratuak’, sinbolismoz eta kondairaz betetako mendigunea da. Bi astez, yurta bat kanpaleku nagusi dutela, eskietan eta snowboardeko tauletan lurralde hura esploratzeko aukera izango dute. Baina, egiaz, zer da mendi hautan bilatzen dutena?
2000 JOURS AU PARADIS
2025, Frantzia, 69min
Zuzendaria: Véronique Anne y Erik Lapied
EUSKADI MAILAKO ESTREINALDIA
Véronique, Anne eta Erik Lapied Gran Paradiso mendiguneko fauna aztertzen eta irudietan biltzen aritu izan dira 18 urtez. Ohiko bideetatik aldendu eta tokiko bizidunen eremuetara jo izan dute, haien arrastoak eta ohiturak dokumentatu eta, animalia-eszena paregabeak eskuratuz euren kamerekin. Halakoetan, gizakiaren eta naturaren arteko harremana poesia hutsa bihurtzen da, eta mendiko fauna-zinemagileen lana azaleratzen da.
| Noiz da | 10-12-2025 19:30 |
| Noizarte | 10-12-2025 21:15 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 11 dic 16:00 LADY EVEREST, Mendi talk TROVADOR DE LAS CUMBRES
LADY EVEREST
2025, Espainia, 59min
Zuzendaria: Mª Isabel Díaz Novo
NAZIOARTEKO ESTREINALDIA
Duela 50 urte, 1975eko maiatzaren 16an, Junko Tabei japoniarra gailur guztien gailurrera iritsi zen, Everesten, ordura arteko ezein emakumek lortu ez zuena lortuz. Ospakizunak Asiara mugatu ziren, ez da harritzekoa, baina bai tamalgarria, izan ere kirolaren istorio inspiratzaileenetako bat izan zen hura. Tabei Japoniako arau sozialen eta tradizio kulturalen gainetik jarri zen emakumeentzako goi-mendietako espedizioak zuzenduz, eta gizonezkoekin aplikatzen ziren eta kulturalki desberdinak ziren metodoak (mendebaldetuak), bere egin zituen. Joshi-Tohan emakumeen Japoniako eskalada kluba sortu zuen "egin dezagun espedizio bat atzerrian, geure kabuz" aldarriarekin.
TROVADOR DE LAS CUMBRES
JEAN-MICHEL JORDÁ
Osteguna abenduak 11 – 16:00 Euskalduna Bilbao
Jean-Michel Jordá alpinista eta zinegilea da. ‘Everest Green’ lanarekin Mendiko Film Onenaren Saria jaso zuen 2018an, Bilbon. 2023an, ‘Everest Invaders: asalto a la papelera más alta del Mundo’ estreinatu zuen. "Arlote bat izan nintekeen. Zinemak, edertasunak, arteak, mendiak, haizeak, itsasoak, hausnarketak, topaketa zoragarri batzuek, eta Phik, trobadore egin naute”.
| Noiz da | 11-12-2025 16:00 |
| Noizarte | 11-12-2025 17:45 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 11 dic 17:30 STREAMERS, STEAMERS & STRUGGLES ON THE KRKA; DEAR SUPERHERO; ERRIO
STREAMERS, STEAMERS & STRUGGLES ON THE KRKA
2025, Eslovenia, 8min
Zuzendaria: Rožle Bregar y Rok Rozman
ESTATU MAILAKO ESTREINALDIA
Esloveniako Krka kare-ibaian arrantza egin nahi duten lau kayakistek raftinga aukeratuko dute ibaian behera egiteko. Gazteluz eta kanpai-hormez atondutako ibilguan zehar egingo dute arrantza, eta elkarren arteko lehia biziak eraginda, bidaiak presio handiko karga hartuko du.
DEAR SUPERHERO
2025, Zeelanda Berria, 14min
Zuzendaria: Corinna Halloran
ESTATU MAILAKO ESTREINALDIA
Janina Kuzma eskiatzaile profesionalak haurdun geratzeko arazoak izan zituen ia bi urtez. 2024 hasieran iritsi zen haurdunaldi test positiboa, eta harekin batera galdera berriak ere sortu zitzaizkion: nola alda zezakeen haurdunaldiak mendiarekiko bere lotura? Mendiko gidari lana galduko luke? Atleta profesionala zenez, epaitua izan zitekeen? Ba, prezeski mendian aurkitu zuen bakeak lagundu zion beldur horiei aurre egiten. Bi atleta profesional, Leanne Pelosi snowboarderra eta Evelina Nilsson eskiatzailea, lagun zituela, Zeelanda Berriko Hegoaldeko Alpeetara jo zuen eskiatzera, eta han amatasunaren super-botereak deskubritu zituen.
ERRIO
2024, Espainia, 63min
Zuzendaria: Ibon Gaztañazpi
Nagore Urdapilletak, Orio Arraunketa Elkarte historikoko arraunlariak, milaka aldiz zeharkatu ditu Oriako estuarioko urak, baina ez du erreparatu han ezkutatzen diren sekretuetan. Jakinmina piztuta, ordea, ibaian gora abiatuko da, historialariek, herritarrek eta kondaira-kontalariek gidatuta, estuarioaren arima ezagutzera. Antzinako hondartzak eta haitzuloak, balea ehiza, itsas diseinua eta untzigintza, burdinolak, izokin arrandegiak, basozaintza tradizionala… Estuarioaren historia, sekulako altxorra da.
| Noiz da | 11-12-2025 17:30 |
| Noizarte | 11-12-2025 19:15 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 11 dic 19:30 HARRI, ORRI, ARKATZ; K2 MON AMOUR
HARRI, ORRI, ARKATZ
2025, Espainia, 55min
Zuzendaria: Jon Herranz
NAZIOARTEKO ESTREINALDIA
Hainbat eskalatzaile eta artisten begiradaren bidez, eskaladako krokisetan ematen den erabilgarritasunaren eta sormenaren arteko pultsioa agertzen du dokumentalak. Mapa bertikal horiek, ezinezko lerroez gain, ametsak eta abenturak ere irudikatzen dituzte. Dokumentu bakar eta berezi hauen garapena ezagutuko dugu, hastapenetako aztarna-krokisetatik abiatu eta gaur egungo marrazki landuetaraino, eta jomuga berriak deskubritzeko esplorazioan izan duen eragina aztertuko dugu.
K2 MON AMOUR
2025, Frantzia, 40min
Zuzendaria: Mathieu Rivoire
EUSKADI MAILAKO ESTREINALDIA
2024ko udan, Liv Sansoz eta Zeb Roche K2 tontorrera igo ziren, 8.611 metrora, oxigeno artifizialik erabili gabe, eta amets zoro batekin: parapentean elkarrekin hegan egitea gailurretik salto eginda. Istorio hau K2 mendiaren edertasun basati eta gordinaren oda bat da, gailurrera igotzeko saiakeratik haratago.
| Noiz da | 11-12-2025 19:30 |
| Noizarte | 11-12-2025 21:15 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
MENDI PRO Euskalduna 12 dic 10:00
MENDI PRO
Ostirala abenduak 12 – 10:00 Euskalduna Bilbao
Sarrerak: Sarrera doan edukiera bete arte. Sarrerak Euskalduna Bilbao webgunean eskuratu behar dira
BBK Mendi Film Bilbao Bizkaiaren esparruan mendiko zinemaren industria sustatu eta ezagutzera zuzendutako jardunaldiaren 3. edizioa.
Mendi Film Bekak atal berezi bat izango du saioan. Datorren urtera begira deitutako beka irabazi duen proiektua aurkeztuko da. Bizkaiko Foru Aldundiak, Euskara, Kultura eta Kirol sailetik, eta Mendi Filmek, babesten dute Mendi Film Beka 2026, bere 6. edizioan, eta Mendi Kultura sustatzea helburu duten zinema dokumentaleko proiektuak sortzea du helburu.
Horrez batera, Master Class bat eta mahainguru bat eskainiko dira Mendi Pro jardunaldia borobiltzeko:
Master Class: “Champions of the Golden Valley. De la idea a los Oscars”
Hizlariak: Ben Sturgulewski eta Katie Stjernholm, pelikularen zuzendaria eta ekoizlea ondoz ondo.
Mendi Filmeko Sail Ofizialeko ‘Champions of the Golden Valley’ pelikula Oscar Sarietarako hautagai izateko bidean da. Ben Sturgulewski zinegile estatubatuarrak Mendi Filmen aurkezten duen 12. pelikula da jada. 2011ean estreinatu zen ‘Solitaire’-ekin Ikusleen Saria irabaziz. 2022an, ‘Creation Theory’ pelikularekin Soinu Banda Onenaren saria jaso zuen, Griff Washburn eta Goth Babe konposatzaileen lana aitortuz. Sturgefilm ekoiztetxean egiten dute lan Katie Stjernholm eta biek.
Panel Talk: “Buscando financiación desesperadamente”
Hizlariak: Crystal Merrill Telluride-eko (AEB) Mountainfilm jaialdiko zuzendaritzako kidea, Michael Brown zinegilea, Elena Goatelli zinegilea/ekoizlea eta Ángel Esteban zinegilea/ekoizlea.
Gaiak: Finantzaketa modu jasangarriak; inbertsore, plataforma eta zinemaldiei begira finantzaketa lortzeko estrategiak; finantzaketa eta banaketa egokiak bilatzeko gakoak; Mountainfilm Telluride-eko laguntza ereduak.
| Noiz da | 12-12-2025 10:00 |
| Noizarte | 12-12-2025 13:30 |
| Individual Price | Laster eskuragarri |
| Non | Euskalduna Jauregia |
Euskalduna Bilbao 12 dic 17:30 BHAGIRATHI III, ODYSSEA BOREALIS - L'IGNOTO ESISTE ANCORA
BHAGIRATHI III
2025, Espainia, 40min
Zuzendaria: Rubén Pérez Blázquez
EUSKADI MAILAKO ESTREINALDIA
Mikel Saez de Urabain, José María Andrés de la Torre "Chemari", Rubén Pérez "Ino" eta Alex Kammerlander, elkar ezagutzen ez duten lau alpinista beterano, Indiako Himalaiara joango dira Bhagirathi III-ren hego-mendebaldeko pilarea eskalatzera (6.454 m). Zazpi egun pasatuko dituzte horman zintzilik, ekaitzak eta hotz izugarria jasanez eta beren buruak mugaraino eramanez. Gailurretik haratago, ordea, lorpenik handiena lagun gisa elkartuta itzuli izana da.
ODYSSEA BOREALIS - L'IGNOTO ESISTE ANCORA
2024, Italia, 44min
Zuzendaria: Alessandro Beltrame
EUSKADI MAILAKO ESTREINALDIA
Groenlandia ekialdeko ur hotzetan 300 kilometroko odisea epiko bat, lau abenturazaleren eskutik: Mateo della Bordella, Alex Gammeter, Silvan Schüpbagh eta Symon Welfringer. Drøneren mendiaren ipar-mendebaldeko horma eskalatzea dute helburu, 1.200 metroko altuera duen mendia eta aurrez saiakerarik ez duena. Eta haren oinarriraino kayaketan iritsi nahi dute. Ulises moderno hauek ez dabiltza konkista bila, aitzitik, esplorazio senari men egin eta abenturaren esentzia hutsa da behar dutena. Ausardia eta jakin-mina dituzte ezezaguna zaien mundu horretan murgiltzeko iparrorratzak.
| Noiz da | 12-12-2025 17:30 |
| Noizarte | 12-12-2025 19:15 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 12 dic 19:45 PREMIO WOP MENDI FILM 2025, CHAMPIONS OF THE GOLDEN VALLEY
WOP MENDI FILM AWARD 2025
CATHERINE DESTIVELLE
Friday december 8 – 19:45 Euskalduna Bilbao
Climber, mountaineer, writer, editor and conference speaker. Catherine Destivelle probably never imagined where her first steps climbing the boulders of Fontainebleau, where her parents took her to play as a child, would lead her. At 16, she was already climbing in the Verdon. Her victory in the first world climbing championship in Bardonechia (1985) propelled her into the professional world. Then came the leap into mountaineering: the first solo female winter ascent of the north face of the Eiger, the first absolute repeat of the Bonatti route on the north face of the Matterhorn, the Trango Tower, the ascent of the south-west face of Shisha Pangma... all of which forged her path. In 2020 she was awarded the Piolet d'Or for her career.
She founded the publishing house Les éditions du Mont-Blanc with the aim of transforming the mountain itself into an educational tool. The books she publishes reveal incredible mountaineering stories and share a love of the mountains. “My goal is to build a bridge between cultural history, sporting heritage and the ecological and scientific concerns of the times we live in”, she says. Her publishing team is deliberately made up entirely of women.
WOP Mendi Film Award winners:
• Basque and Navarre Mountaineering Federations (2024)
• Edurne Pasaban (2023)
• Eduardo Martínez de Pisón (2022)
• Sebastián Álvaro (2021)
• Baltistán Fundazioa Foundation (2020)
• Nives Meroi and Romano Benet (2019)
• Juanjo San Sebastián (2018)
• Peter Habeler (2017)
• Sir Chris Bonington (2016)
• Josep Manuel Anglada (2015)
• Drawn film by Jeremy Collins (2014)
CHAMPIONS OF THE GOLDEN VALLEY
2024, Afganistan, Alemania, EEBB, 81min
Zuzendaria: Ben Sturgulewski
ESTATU MAILAKO ESTREINALDIA
Afganistango Bamiyan mendiko herri urrutikoetan eskiatzeko zaletasuna piztu da. Mugimendu horren bihotzean Alishah Farhang dago, behinola eski alpinoan parte hartzen zuen lehen afganistandarra izateko ametsaz Neguko Olinpiar Jokoetarako hautagai izan zena. Hark gidatuta, egurrezko eskiekin eta bigarren eskuko ekipoarekin hornituta, etsaituta dauden herrietako gazteek bat egiten dute parekorik gabeko mendiko eskiko lehiaketa batean. Batasun eta itxaropen katalizatzaile indartsua bihurtzen da ekitaldia. Baina herrialdearen gainbehera harrigarriaren ostean, Alishah-k eta gazteek elur pistetan ikasitako irakaspenak baliatu beharko dituzte errefuxiatu gisa bizirauteko.
| Noiz da | 12-12-2025 19:45 |
| Noizarte | 12-12-2025 21:30 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 13 dic 12:00 TALA, IZARREN ZAUNKA, L'ESCALADE DU FUTUR
TALA
2025, Espainia, 14min
Zuzendaria: Joel Badia Vila
EUSKADI MAILAKO ESTREINALDIA
800 kilometroko bidaia itzela burutuko du Fernanda Maciel ultra-korrikalari brasildarrak Pirinioetako GR11 ibilbidea osatuz, berak bakarrik, inoren laguntzarik gabe. Hondarribian hasi eta Cap de Creusen amaituz, Kantauri itsasoa eta Mediterraneoa 12 egun eta 12 ordutan lotu zituen. Erronka, ordea, muturreko erresistentzia froga bat baino zerbait gehiago da: konpainiarik, kontsolamendurik eta kontakturik gabe, Fernanda bakardade sakon batean barneratuko da, isiltasuna lagun bihurtuko da, eta mendia ispilu.
IZARREN ZAUNKA
2025, Espainia, 18min
Zuzendaria: Nagore Eceiza Mujika
NAZIOARTEKO ESTREINALDIA
Bi lagun Larraitzen daude, Mikel Saez de Urabainek Txindoki mendian liberatu berri duen bide bat eskalatzeko asmoz. Mikelek berak, bide berria izendatzeko inspirazioa aurkitu nahi du tokiko bake eta lasaitasunean. Iker Urangak, berriz, bere min kronikoetatik eta antsietatetik askatzea lortu nahi du.
L'ESCALADE DU FUTUR
2025, Frantzia, 52min
Zuzendaria: Pascal Barneville
EUSKADI MAILAKO ESTREINALDIA
Rokodromo pribatuen gorakadarekin, Olinpiar Jokoetara iritsita, eta bilakaera azkar batean murgildurik, eskalada kirolak paradoxa bati egin behar dio aurre: lokal itxietan duen arrakasta ez dator bat eskaladako gune naturalek dituzten arazoekin. Cédric Lachat eskalatzaile sonatuak eskaladaren bilakaera eta etorkizuneko belaunaldientzako ondarea zein den aztertzen ditu.
| Noiz da | 13-12-2025 12:00 |
| Noizarte | 13-12-2025 13:45 |
| Individual Price | 6€ + Kudeaketa gastuak / 8€ leihatilan |
| Non | Euskalduna Jauregia |
Euskalduna Bilbao 13 dic 17:00 CANTOS Y FLORES; SUSTRAIAK, RAÍCES PERDIDAS
CANTOS Y FLORES
2025, EEBB, 27min
Zuzendaria: Julen Elorza
ESTATU MAILAKO ESTREINALDIA
Anaia hil eta zazpi urtera, harekin burutu asmo zuen amets bati eutsiko dio Karina Carsoliok: Boliviako Huayna Potosi, Illimani eta Sajama mendi ikonikoak igo eta jaistea ahalik eta lasterren, FKTak (ezagutzen den denborarik azkarrena) ezartzen saiatuz. Hillary Gerardi mendi korrikalari zaildua izango du bidaide. Kirol erronkaz batera, Karinak miña kanporatuko du, zauriak ixteko abagunea aurkituko du, eta espiritualki bere buruarekin eta Naturarekin bat egingo du.
SUSTRAIAK, RAÍCES PERDIDAS
2025, Espainia, 70min
Zuzendaria: Luis Arrieta Etxeberria
NAZIOARTEKO ESTREINALDIA
Hiba, Bachir eta Mananen istorioa da hau. Haurrak zirela beren herrialdeetatik migratu behar izan zuten eta, ondoan zainduko zituen pertsona heldurik ez zutela, Nafarroara iritsi ziren. Eskalada eta mendia deskubritu dituzte bertan. Arazoez ahazteko bide ematen die, aske sentitzen dira mendian nahiz eskalatzen, eta testuinguru horretan amets orori heltzeko gai direla sentitzen dute. Baina haien bideak apurka-apurka bereizten hasiko dira.
| Noiz da | 13-12-2025 17:00 |
| Noizarte | 13-12-2025 18:45 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
Euskalduna Bilbao 13 dic 19:45 UN DÍA AL AÑO, GIRL CLIMBER
UN DÍA AL AÑO
2025, Espainia, 16min
Zuzendaria: Alfonso García
NAZIOARTEKO ESTREINALDIA
1970az geroztik, Atxarteko bailaran eskalatzaile belaunaldi berri bat bildu ohi zen mendiarekiko grinak erakarrita. Nazioarte mailako igoera aitzindariak egitera ere ausartu ziren haietako zenbait. Haietako batek errepide istripu larri bat jasan zuen, eta medikuek esan zioten ez zuela inoiz berriro eskalatuko. Osatze prozesu miragarria izan zuen, ordea, eta tradizio berezi bat asmatu zuen berpizte moduko hura ospatzeko: Atxarteko Inauteria. Geroztik, eta urteak joan urteak etorri, egun hori ezinbesteko hitzordua da eskalatzaileen komunitatearentzat.
GIRL CLIMBER
2025, Austria, EEBB, 83min
Zuzendaria: Jonathan Glassberg
EUSKADI MAILAKO ESTREINALDIA
Emily Harrington eskalatzaile profesionalak Everest eta Cho Oyu igo ditu, eta lehiaketa zirkuituan nagusi izan da Estatu Batuetako zailtasuneko txapelketa bost bider irabazita eta behin Munduko txapeldunorde izanda. Baina haren erronka handiena lorpen fisikoetatik haratago doa. Gizonezkoek menperatutako eskaladaren munduan bere ondarea sendotzeko gogoz, Yosemiteko El Capitan horman 24 orduko igoera osatu nahi du era askean. Yosemiteko mutilen klub mitikoaren aurrean, Emilyk ez du soilik emakume eskalatzaile onena dela frogatzen, eskalatzaile guztien artean onenetakoa dela baizik. Kito.
| Noiz da | 13-12-2025 19:45 |
| Noizarte | 13-12-2025 21:30 |
| Individual Price | 8€ + Kudeaketa gastuak / 10€ leihatilan |
| Non | Euskalduna Jauregia |
